Sport

Baldvin og Guðbjörg á HM í fyrsta sinn

Sindri Sverrisson skrifar
Baldvin Þór Magnússon keppir í 3000 metra hlaupi á HM og Guðbjörg Jóna Bjarnadóttir í 60 metra hlaupi.
Baldvin Þór Magnússon keppir í 3000 metra hlaupi á HM og Guðbjörg Jóna Bjarnadóttir í 60 metra hlaupi. FRÍ

Hlaupararnir Baldvin Þór Magnússon úr UFA og Guðbjörg Jóna Bjarnadóttir úr ÍR verða fulltrúar Íslands á heimsmeistaramótinu í frjálsum íþróttum innanhúss í Serbíu dagana 18.-20. mars.

Baldvin hljóp sig inn á HM þegar hann setti Íslandsmet í 3.000 metra hlapi í febrúar á 7:47,51 mínútum og Guðbjörg bætti sömuleiðis Íslandsmetið í 60 metra hlaupi í janúar þegar hún hljóp á 7,43 sekúndum.

Mótið í Belgrad verður stjörnum prýtt og því fagnað að samkomutakmarkanir vegna kórónuveirufaraldursins heyra smám saman sögunni til. 

HM innanhúss hefur ekki farið fram síðan árið 2018 en þá var Aníta Hinriksdóttir eini keppandi Íslands. Ísland átti síðast tvo fulltrúa á mótinu í Sopot í Póllandi árið 2014.

Frjálsar íþróttir

Mest lesið


Fleiri fréttir

Sjá meira


×

Mest lesið