Isco á förum frá Sevilla eftir að­eins fjóra mánuði hjá fé­laginu

Francisco Román Alarcón Suárez, betur þekktur sem Isco, var leikmaður Real Madríd frá 2013 til 2022. Þar áður lék hann með Valencia og Málaga. Þó hann hafi ekki verið lykilmaður hjá Real þá lék hann nokkuð stóra rullu og vann fjölda titla:

• Meistaradeild Evrópu: 5 
• HM félagsliða: 4 
• La Liga [spænska úrvalsdeildin]: 3 
• Spænski ofurbikarinn: 3 
• Ofurbikar Evrópu: 2 
• Spænski konungsbikarinn: 1

Það er því eðlilegt að Sevilla hafi talið sig vera dottið í lukkupottinn þegar hinn þrítugi Isco samdi við félagið í sumar. Þáverandi þjálfari Sevilla, Julen Lopetegui, var mjög hrifinn af leikmanninum en hann er nú tekinn við Úlfunum í ensku úrvalsdeildinni.

Skömmu eftir að brotthvarf Lopetegui var staðfest kom í ljós að Sevilla vildi losna við Isco. Það er nú nær öruggt að Sevilla mun leyfa honum að fara frítt í janúar og hver veit nema Lopetegui sæki sinn gamla lærisvein til Englands.

Isco hefur spilað 38 A-landsleiki fyrir Spán og skorað 12 mörk en var ekki í hópnum sem var valinn til að fara á HM í Katar. Þar duttu Spánverjar út í 16-liða úrslitum eftir tap í vítaspyrnukeppni gegn Marokkó.