Viðskipti erlent

Bankar sam­einast um að bjarga First Repu­blic

Gunnar Reynir Valþórsson skrifar
Bandarísk yfirvöld fögnuðu ákvörðun bankanna um að styðja við bakið á First Republic.
Bandarísk yfirvöld fögnuðu ákvörðun bankanna um að styðja við bakið á First Republic. AP Photo/Mary Altaffer

Nokkrir stórir bandarískir bankar hafa tekið sig saman og sett þrjátíu milljarða dollara inn í bankann First Republic til að forða honum frá falli.

Þetta var tilkynnt í gærkvöldi en síðustu daga hafa áhyggjur manna af heilsu bankakerfisins vestra farið vaxandi. Á dögunum fóru Silicon Valley og Signature bankarnir á hausinn og hafa þessar áhyggjur smitast um allan heim. Bandarísk yfirvöld fögnuðu ákvörðun bankanna um að styðja við bakið á First Republic.

Ellefu stórbankar taka þátt í aðgerðunum, en í forsvari eru risarnir JP Morgan og Citigroup. Hlutabréfaverð í First Republic, sem er með starfsemi á San Francisco svæðinu, tók kipp upp á við í kjölfar fregnanna en síðustu daga hafði það hrunið um rúm 70 prósent.

Fjármálamarkaðir Bandaríkin

Tengdar fréttir

Seðlabankastjóri segir íslenska bankakerfið með sterkar varnarlínur

Seðlabankastjóri segir ekki hægt að útiloka að vandræði smærri banka í Bandaríkjunum smitist til annarra landa. Íslenska bankakerfið væri hins vegar undir strangasta eftirlit sem þekktist á Vesturlöndum og hann teldi að varnarlínur í fjármálakerfinu muni halda.

Slær þúsunda milljarða króna lán frá seðla­banka

Svissneski bankinn Credit Suisse ætlar að fá lánaða allt að fimmtíu milljarða svissneskra franka, jafnvirði hátt á áttunda þúsund milljarða íslenskra króna, frá seðlabankanum þar í landi til þess að styrkja stöðu sína. Hlutabréf í bankanum féllu um fjórðung eftir að stærsti hluthafi hans neitaði að setja meira fé í hann í gær.

Rann­saka fall Kísil­dals­bankans

Bandaríska dómsmálaráðuneytið rannsakar nú fall Silicon Valley Bank og gjörðir æðstu stjórnenda hans. Yfirvöld tóku bankann yfir eftir að áhlaup var gert á hann í síðustu viku. Gjaldþrot bankans er það næststærsta í sögu Bandaríkjanna.

Biden segir bankakerfið standa traustum fótum

Joe Biden Bandaríkjaforseti fullyrti að bankakerfið væri traust þrátt fyrir fall tveggja banka á skömmum tíma. Landsmenn þyrftu ekki að hafa áhyggjur af innistæðum sínum og skattgreiðendur yrðu ekki látnir borga reikninginn.



Mest lesið


Fleiri fréttir

Sjá meira


×

Mest lesið