Nærandi ferðaþjónusta Hildur Guðbjörg Kristjánsdóttir skrifar 15. apríl 2024 15:30 Nærandi ferðaþjónusta (e. Regenerative tourism) hefur verið áberandi í umræðunni síðustu ár um heim allan. Hugtakið fjallar í stuttu máli um að ferðaþjónustufyrirtæki og gestir þeirra hafi jákvæð áhrif á nærumhverfi sitt og náttúru. Hugmyndin er að ferðaþjónustufyrirtæki og gestir þeirra skilji við áfangastaðinn í betra ásigkomulagi en áður en að heimsóknin átti sér stað. Það er því farið einu skrefi lengra en sjálfbærni hugsunin sem snýst um að skilja staði eftir í sama ásigkomulagi fyrir komandi kynslóðir. Þessi nýja hugsun um nærandi viðskiptahætti (e. Regenerative business practices) snýst um kerfishugsun og hristir upp í ýmsum rótgrónum hugmyndum í fyrirtækjarekstri um að einungis hagnaður skipti máli. Við erum öll hluti af þessu sama kerfi, við erum hluti af umhverfinu og því samfélagi sem að við búum í. Á dögunum fór fram vinnustofa hér á landi á vegum Ferðaklasans og CE4RT (e. Circular Economy for Regenerative Tourism) um nærandi ferðaþjónustu. Þar komu saman yfir 80 fulltrúar frá litlum og meðalstórum fyrirtækjum úr ferðaþjónustunni á Írlandi, Hollandi, Póllandi, Finnlandi og Íslandi. Það var bæði fræðandi og hvetjandi að sitja vinnustofu með öllum þessum fyrirtækjum sem leggja metnað sinn í nærandi ferðaþjónustu. Það er mikilvægt og spennandi fyrir íslenska ferðaþjónustu að tileinka sér þessa hugmyndafræði til að stuðla að áframhaldandi blómstrandi ferðaþjónustu í sátt við íbúa landsins. Líkt og margar aðrar atvinnugreinar þá gengur ferðaþjónustan á auðlindir landsins og því er mikilvægt að leggja sitt af mörkum til að græða upp, fræða og minnka sóun. Ferðaþjónustan getur verið mikilvægt tól til að fræða gesti um sögu, menningu og náttúru. Hún er einnig mikilvæg til að styðja við byggðaþróun og tengja fólk við náttúruna og hvort annað. Ég leyfi mér að fullyrða að ferðaþjónustan á Íslandi sé einmitt að gera mikið af þessu nú þegar. Hinsvegar held ég að stundum vanti samtalið við íbúana. Við á Midgard ætlum að gera betur í að auka upplýsingaflæði um hin ýmsu verkefni sem við erum að taka þátt í og útskýra okkar hugsjón. Midgard væri ekki starfandi ef ekki væri fyrir fallegu náttúruperlurnar og nærsamfélagið með allar sínar áhugaverðu hefðir og merkilegu sögu. Það er okkar hlutverk að kynna þessa sögu og hefðir fyrir gestum og styðja við nærsamfélagið með ýmsum hætti. Við þurfum líka að huga að náttúrunni og gerum það meðal annars með því að skapa náttúrutengingu hjá gestum okkar og fræða þau um umhverfisvernd og virðingu fyrir náttúrunni. Við viljum að gestirnir okkar snúi aftur heim eftir magnaða upplifun í okkar íslensku náttúru með fróðleik í farteskinu sem þau geta nýtt sér þegar heim er komið. Á Midgard leggjum við mikla áherslu á flokkun og fræðslu til gesta um mikilvægi flokkunar og umhverfismál. Við erum stöðugt að vinna í því að minnka matarsóun og búa til verðmæti úr matarsóuninni. Við erum með umhverfisvæna innkaupastefnu og á veitingastað Midgard bjóðum við upp á á hráefni úr heimabyggð. Við leggjum einnig metnað okkar í að auðga nærsamfélagið með menningarviðburðum. Við erum að gera ýmislegt nú þegar en það er líka margt sem að við þurfum að gera betur. Mikilvægt er að fyrirtæki missi ekki móðinn þó að ekki sé hægt að gera allt í einu. Það er mikilvægt að marka sér skýra umhverfisstefnu en vera raunsær og byrja á einu eða fáum verkefnum í einu og fagna öllum litlu sigrunum. Núna í apríl höldum við í annað sinn sjálfbærniviku Midgard. Markmið þessarar viku er að skapa vitundarvakningu, auka fræðslu bæði innan og utan Midgard, græða upp landið, fjarlægja rusl og hafa gaman. Þetta er einn liður í því að stunda nærandi ferðaþjónustu og stuðla að því að okkar nærsamfélag blómstri. Hér fyrir neðan eru opnir viðburðir í sjálfbærni viku Midgard. Við hvetjum öll áhugsöm til að taka þátt. 24. apríl 21:00: Fyrirlestur um norræna goðafræði á Midgard Base Camp - á ensku 25. apríl 15:00 -16:30: Plokkhlaup 6 km frá Midgard á Hvolsvelli 29. apríl 13:00: Fyrirlestur um Bokhasi moltugerð Meltu á Midgard Base Camp - á ensku 30. apríl: Hreinsun Landeyjarfjöru með Bláa Hernum, tímasetning auglýst síða Höfundur rekur ferðaþjónustufyrirtækið Midgard á Hvolsvelli ásamt vinum og fjölskyldum og er með meistaragráðu í umhverfis og auðlindafræði. Meistararitgerðin fjallaði um nærandi ferðaþjónustu og sjálfbært viðskiptamódel. Viltu birta grein á Vísi? Sendu okkur póst. Senda grein Ferðamennska á Íslandi Mest lesið Ofurgróði sjávarútvegs? – Hættið að afvegaleiða! Elliði Vignisson Skoðun „Fáum við einkunn fyrir þetta?“ Hulda Dögg Proppé Skoðun Sakar aðra um það sem hún gerir sjálf Sigurjón Þórðarson Skoðun Rafbíllinn er ekki bara umhverfisvænn – hann er líka hagkvæmari Óskar Páll Þorgilsson Skoðun Falleinkunn skólakerfis? Helga Þórisdóttir Skoðun Hvar er auðlindarentan? Birta Karen Tryggvadóttir Skoðun Hvers vegna berðu kross? Hrafnhildur Sigurðardóttir Skoðun Þannig gerum við þetta? Ísak Ernir Kristinsson Skoðun Halldór 28.06.2025 Halldór Frá Írak til Gaza: Hvað höfum við lært af lygunum og stríðsbröltinu? Helen Ólafsdóttir Skoðun Skoðun Skoðun Hvernig er staða lesblindra á Íslandi? Guðmundur S. Johnsen skrifar Skoðun Sakar aðra um það sem hún gerir sjálf Sigurjón Þórðarson skrifar Skoðun „Þú verður aldrei nóg“ - Ástæður þess að kerfið bregst innflytjendum Ian McDonald skrifar Skoðun Rafbíllinn er ekki bara umhverfisvænn – hann er líka hagkvæmari Óskar Páll Þorgilsson skrifar Skoðun Ofurgróði sjávarútvegs? – Hættið að afvegaleiða! Elliði Vignisson skrifar Skoðun Laun kvenna og karla í aðildarfélögum ASÍ og BSRB árið 2024 Sigríður Ingibjörg Ingadóttir,Steinunn Bragadóttir skrifar Skoðun „Fáum við einkunn fyrir þetta?“ Hulda Dögg Proppé skrifar Skoðun Hrossakjöt, hroki og hleypidómar Kristján Logason skrifar Skoðun Sjávarútvegur er undirstöðuatvinnuvegur – ekki einangruð tekjulind Kristinn Karl Brynjarsson skrifar Skoðun Að byggja upp á Bakka Hjálmar Bogi Hafliðason skrifar Skoðun Fiskeldi og samfélagsábyrgð Eyjólfur Ármannsson skrifar Skoðun Pólitískt raunsæi og utanríkisstefna Íslands Ragnar Anthony Antonsson Gambrell skrifar Skoðun Vorstjarnan hans Gunnars Smára? Guðbergur Egill Eyjólfsson skrifar Skoðun Fylgið fór vegna fullveldismáls Hjörtur J. Guðmundsson skrifar Skoðun Er Ísrael ennþá útvalin þjóð Guðs? Ómar Torfason skrifar Skoðun Flokkurinn hans Gunnars Smára? Guðbergur Egill Eyjólfsson skrifar Skoðun Raforkuverð: Stórnotendur og almenningur Ingvar Júlíus Baldursson skrifar Skoðun Hætt við að hækka ekki skatta á almenning Bryndís Haraldsdóttir skrifar Skoðun Skattafíkn í skjóli réttlætis: Tímavélin stillt á 2012 Kristinn Karl Brynjarsson skrifar Skoðun Hver borgar brúsann? Ingibjörg Isaksen skrifar Skoðun Hvers vegna berðu kross? Hrafnhildur Sigurðardóttir skrifar Skoðun Þannig gerum við þetta? Ísak Ernir Kristinsson skrifar Skoðun Stærsta framfaraskref í námsmati íslenskra barna í áratugi Guðmundur Ingi Kristinsson skrifar Skoðun Falleinkunn skólakerfis? Helga Þórisdóttir skrifar Skoðun Þjónusta sem gleður – skilar sér beint í kassann Margrét Reynisdóttir skrifar Skoðun Hvar er auðlindarentan? Birta Karen Tryggvadóttir skrifar Skoðun Miðflokkurinn – Rödd skynseminnar í borginni Ómar Már Jónsson skrifar Skoðun Virði barna og ungmenna Álfhildur Leifsdóttir,Hólmfríður Jennýjar Árnadóttir skrifar Skoðun Sættir þú þig við þetta? Jón Pétur Zimsen skrifar Skoðun Alþingi gleymir aftur fötluðum börnum Lúðvík Júlíusson skrifar Sjá meira
Nærandi ferðaþjónusta (e. Regenerative tourism) hefur verið áberandi í umræðunni síðustu ár um heim allan. Hugtakið fjallar í stuttu máli um að ferðaþjónustufyrirtæki og gestir þeirra hafi jákvæð áhrif á nærumhverfi sitt og náttúru. Hugmyndin er að ferðaþjónustufyrirtæki og gestir þeirra skilji við áfangastaðinn í betra ásigkomulagi en áður en að heimsóknin átti sér stað. Það er því farið einu skrefi lengra en sjálfbærni hugsunin sem snýst um að skilja staði eftir í sama ásigkomulagi fyrir komandi kynslóðir. Þessi nýja hugsun um nærandi viðskiptahætti (e. Regenerative business practices) snýst um kerfishugsun og hristir upp í ýmsum rótgrónum hugmyndum í fyrirtækjarekstri um að einungis hagnaður skipti máli. Við erum öll hluti af þessu sama kerfi, við erum hluti af umhverfinu og því samfélagi sem að við búum í. Á dögunum fór fram vinnustofa hér á landi á vegum Ferðaklasans og CE4RT (e. Circular Economy for Regenerative Tourism) um nærandi ferðaþjónustu. Þar komu saman yfir 80 fulltrúar frá litlum og meðalstórum fyrirtækjum úr ferðaþjónustunni á Írlandi, Hollandi, Póllandi, Finnlandi og Íslandi. Það var bæði fræðandi og hvetjandi að sitja vinnustofu með öllum þessum fyrirtækjum sem leggja metnað sinn í nærandi ferðaþjónustu. Það er mikilvægt og spennandi fyrir íslenska ferðaþjónustu að tileinka sér þessa hugmyndafræði til að stuðla að áframhaldandi blómstrandi ferðaþjónustu í sátt við íbúa landsins. Líkt og margar aðrar atvinnugreinar þá gengur ferðaþjónustan á auðlindir landsins og því er mikilvægt að leggja sitt af mörkum til að græða upp, fræða og minnka sóun. Ferðaþjónustan getur verið mikilvægt tól til að fræða gesti um sögu, menningu og náttúru. Hún er einnig mikilvæg til að styðja við byggðaþróun og tengja fólk við náttúruna og hvort annað. Ég leyfi mér að fullyrða að ferðaþjónustan á Íslandi sé einmitt að gera mikið af þessu nú þegar. Hinsvegar held ég að stundum vanti samtalið við íbúana. Við á Midgard ætlum að gera betur í að auka upplýsingaflæði um hin ýmsu verkefni sem við erum að taka þátt í og útskýra okkar hugsjón. Midgard væri ekki starfandi ef ekki væri fyrir fallegu náttúruperlurnar og nærsamfélagið með allar sínar áhugaverðu hefðir og merkilegu sögu. Það er okkar hlutverk að kynna þessa sögu og hefðir fyrir gestum og styðja við nærsamfélagið með ýmsum hætti. Við þurfum líka að huga að náttúrunni og gerum það meðal annars með því að skapa náttúrutengingu hjá gestum okkar og fræða þau um umhverfisvernd og virðingu fyrir náttúrunni. Við viljum að gestirnir okkar snúi aftur heim eftir magnaða upplifun í okkar íslensku náttúru með fróðleik í farteskinu sem þau geta nýtt sér þegar heim er komið. Á Midgard leggjum við mikla áherslu á flokkun og fræðslu til gesta um mikilvægi flokkunar og umhverfismál. Við erum stöðugt að vinna í því að minnka matarsóun og búa til verðmæti úr matarsóuninni. Við erum með umhverfisvæna innkaupastefnu og á veitingastað Midgard bjóðum við upp á á hráefni úr heimabyggð. Við leggjum einnig metnað okkar í að auðga nærsamfélagið með menningarviðburðum. Við erum að gera ýmislegt nú þegar en það er líka margt sem að við þurfum að gera betur. Mikilvægt er að fyrirtæki missi ekki móðinn þó að ekki sé hægt að gera allt í einu. Það er mikilvægt að marka sér skýra umhverfisstefnu en vera raunsær og byrja á einu eða fáum verkefnum í einu og fagna öllum litlu sigrunum. Núna í apríl höldum við í annað sinn sjálfbærniviku Midgard. Markmið þessarar viku er að skapa vitundarvakningu, auka fræðslu bæði innan og utan Midgard, græða upp landið, fjarlægja rusl og hafa gaman. Þetta er einn liður í því að stunda nærandi ferðaþjónustu og stuðla að því að okkar nærsamfélag blómstri. Hér fyrir neðan eru opnir viðburðir í sjálfbærni viku Midgard. Við hvetjum öll áhugsöm til að taka þátt. 24. apríl 21:00: Fyrirlestur um norræna goðafræði á Midgard Base Camp - á ensku 25. apríl 15:00 -16:30: Plokkhlaup 6 km frá Midgard á Hvolsvelli 29. apríl 13:00: Fyrirlestur um Bokhasi moltugerð Meltu á Midgard Base Camp - á ensku 30. apríl: Hreinsun Landeyjarfjöru með Bláa Hernum, tímasetning auglýst síða Höfundur rekur ferðaþjónustufyrirtækið Midgard á Hvolsvelli ásamt vinum og fjölskyldum og er með meistaragráðu í umhverfis og auðlindafræði. Meistararitgerðin fjallaði um nærandi ferðaþjónustu og sjálfbært viðskiptamódel.
Skoðun Rafbíllinn er ekki bara umhverfisvænn – hann er líka hagkvæmari Óskar Páll Þorgilsson skrifar
Skoðun Laun kvenna og karla í aðildarfélögum ASÍ og BSRB árið 2024 Sigríður Ingibjörg Ingadóttir,Steinunn Bragadóttir skrifar
Skoðun Sjávarútvegur er undirstöðuatvinnuvegur – ekki einangruð tekjulind Kristinn Karl Brynjarsson skrifar
Skoðun Stærsta framfaraskref í námsmati íslenskra barna í áratugi Guðmundur Ingi Kristinsson skrifar