Ræddi við konuna og fékk bingó: „Tími til að fara aftur til Eyja

Að­dragandinn að sam­starfi Þor­láks og ÍBV var stuttur. Hann var að eigin sögn ný lagstur í sófann eftir að hætt sem þjálfari portúgalska kvenna­liðsins Dama­i­en­se sem náði sínum besta árangri frá upp­hafi í úr­vals­deildinni, þegar að kallið kom úr Vest­manna­eyjum eftir að Her­mann Hreiðars­son hafði ó­vænt sagt upp störfum sem þjálfari liðsins. 

Þor­lákur mun flytja til Eyja, fjöl­skyldan verður eftir á höfuð­borgar­svæðinu, Láki þekkir lífið á eyjunni vel og segir það einna helst tvennt sem heilli hann við það tæki­færi að taka við ÍBV á þessum tíma­punkti.

„Ég er náttúru­lega alinn upp í Vest­manna­eyjum. Bjó þar sem krakki og fannst núna vera kominn tími til að fara aftur til Eyja. Síðan finnst mér þetta ÍBV lið mjög spennandi. Það eru leik­menn þarna á góðum aldri. Leik­menn á aldrinum 22-27 ára. Margir leik­menn sem geta bætt sig að mínu mati. Þetta tvennt gerði út­slagið fyrir mig.“

ÍBV tryggði sig beint upp í Bestu deildina með því að verða Lengju­deildar­meistari. Fót­bolta­hefðin er mikil í Eyjum, margir sem horfa á ÍBV sem fé­lag sem á heima í efstu deild en karla­liðið hefur verið yoyo undan­farin ár.

„Lengju­deildin er gríðar­lega erfið og jöfn deild eins og þú sagðir sjálfur. Ég er búinn að þjálfa í henni nokkrum sinnum. Ég held bara að það sé stemning í þessum leik­manna­hópi. Að­komu­mennirnir sem hafa verið á mála hjá liðinu eru orðnir að miklu leiti bara Eyja­menn. Það er nauð­syn­legt. Stemningin er svo mikil­vægur þáttur í þessu þegar að þú ert að spila fyrir ÍBV. Þeir áttu skilið að fara upp. Nú snýst þetta bara um að sanna sig í Bestu deildinni.“

„Ég held að í grunnin sé það akkúrat það sem þessir hlut­lausu hugsa. Er ÍBV að fara að vera á­fram eitt­hvað yoyo lið? Ég hef trú á því að við verðum með fram­bæri­legt lið á næsta ári. Það hefur alla­vegana engin á­hrif á mig.“

Eyjamenn breytast í Spartverja

Láki ætlar að flytjast bú­ferlum til Vest­manna­eyja.

„Stutt spjall við konuna og bingó,“ segir Láki sem heldur þó einn til Vest­manna­eyja. „Konan er æviráðin í­þrótta­kennari hérna konan og fer ekki fet. Við höfum þó náð góðu jafn­vægi í sam­bandið með því að vera í fjar­búð. Það verður ekkert vanda­mál.“

Fram undan spennandi tímar í Vest­manna­eyjum þar sem að Láki skrifaði undir þriggja ára samning við ÍBV. Hvernig horfir hann á þessi þrjú ár fram undan varðandi liðið og fót­boltann?

„Ég hef lært að hugsa þetta bara eitt ár fram í tímann. Fyrsta verkið núna er að hitta leik­menn, fara yfir stöðuna með þeim. Fá það á hreint hvaða leik­menn verða á­fram. Það eru ein­hverjir leik­menn sem eru að hætta, aðrir sem eru að færa sig um set. Síðan förum við í að reyna fá leik­menn inn í stað þeirra sem eru að fara. Ég sest niður með leik­mönnum og fer yfir mark­miðin. 

Ég bara vonast til að við verðum með lið sem getur verið með þennan eyja anda. Að við höldum honum. Það er bara þannig í heima­mönnunum sem og þeim sem fara til Eyja að þeir breytast í ein­hverja Spart­verja þegar að leikurinn er flautaður á. Svo viljum við líka spila góðan fót­bolta. Blanda þessu tvennu saman. Spilað stutt og langt, hafa bar­áttu en líka tækni­lega getu. Það er það sem skiptir mig mestu máli. Að hafa þessi ein­kennis­merki, DNA-ið í liðinu verði spennandi.“