Jón Daði á báðum áttum en opinn fyrir heim­komu

Jón, hafði verið í ákveðnum hléi frá fót­bolta síðan samningur hans við Bol­ton rann út síðastliðið sumar þegar að kallið kom frá Wrex­ham og Sel­fyssingurinn skrifaði undir stuttan samning. Spilatíminn hefur verið af skornum skammti.

„Ég kem hingað og var kannski ekki að búast við því að byrja hvern einasta leik. Það var komið skýrt fram við mig og mér gert það ljóst að ég væri fenginn hingað til að sinna ákveðnu hlut­verki til að byrja með. Koma mér aftur til baka í leik­form. Það tók kannski tvær til þrjár vikur að koma mér al­menni­lega inn í það. Raun­veru­leikinn er bara sá að liðið hefur yfir að skipa stórum leik­manna­hóp. Með mikið af fram­herjum og liðið er að vinna mikið af leikjum. Þá getur það gerst að maður er ekki eins mikið viðriðinn og maður vill. Það er búið að vera erfitt.“ 

„En ég gerði mér líka alveg grein fyrir því, og það var út­skýrt fyrir mér, að maður væri ekki endi­lega að fara byrja alla leiki. Maður þyrfti að koma sér af stað aftur, komast inn í hlutina þarna, kynnast liðinu og þokka­bót koma sér í stand. Ég var búinn að vera lengi samnings­laus og þetta hefur verið smá rússíbani. Auðvitað hefði maður viljað vera aðeins meira viðriðinn en raunin hefur verið. Það er bara stað­reynd.“

„Miklu betri staða en sú sem ég var í“

Og nú líður að þeim tíma­punkti að samningur Jóns Daða rennur sitt skeið. Hvað tekur við?

„Ég veit það ekki. Ég held það verði rætt á næstu dögum þar sem að samningum er að fara ljúka núna 23.janúar. Til að byrja með var þetta náttúru­lega mjög stuttur samningur. Ég veit ekki hvað fram­haldið ber í skauti sér. Maður fær að vita það á næstu dögum. Hvort sem að það verður áfram hér eða annars staðar þá tel ég mig mjög þakk­látan fyrir að hafa komið hingað. Þetta er miklu betra en sú staða sem ég var í, að vera samnings­laus. 

Þetta hefur gefið mér aðeins meira sjálf­s­traust, að komast aftur inn í þennan at­vinnu­manna­heim sem maður hefur verið hluti af í öll þessi ár. Að ná til baka forminu og sjálf­s­traustinu, fá þessa þekkingu aftur í sjálfan mig að ég er á þessu gæða­stigi og vill kannski halda áfram að vera í þessu um­hverfi. Það verður að koma í ljós. Hvort sem að það verður hér eða annars staðar hef ég verið virki­lega sáttur með dvöl mína hér.“

Opinn fyrir heimkomu

Jón Daði var orðaður við heim­komu í sumar. Hann úti­lokar ekki að snúa heim til Ís­lands.

„Ef ég á að vera alveg hrein­skilinn þá er ég smá á báðum áttum. Ég er opinn fyrir báðu en það sem hvetur mig kannski mest við að koma heim er fjöl­skyldan aðal­lega. Fót­boltinn spilar náttúru­lega alltaf líka hluta af því en dóttir mín fer að verða sex ára gömul og maður vill að hún fari að byrja í skóla á Ís­landi sem fyrst frekar heldur en síðar. Það eru alls konar hlutir sem að spila inn í. 

Á sama tíma er þetta alltaf erfitt, hvort maður vilji halda áfram nokkur ár í viðbót í at­vinnu­mennskunni eða vill maður koma heim. Það er enn smá spurningar­merki hjá mér en það kemur í ljós í núna seinna í janúar, í lok tímans hjá Wrex­ham, hvort maður verði áfram hér, fari eitt­hvað annað í at­vinnu­mennskunni eða kem heim til Ís­lands. Ég veit það ekki.“