Vaktin: Vopna­hlé tekur gildi á Gasa

Vopnahlé tók því gildi klukkan 9:15 að íslenskum tíma í morgun, eftir rúmlega fimmtán mánaða átök sem sögð eru hafa kostað að minnsta kosti 46 þúsund Palestínumenn lífið.

Í yfirlýsingu frá talsmanni Qassam-sveita Hamas segir að konurnar þrjár heiti Romy Jonin (24), Emily Damary (28) og Doron Shtanbar Khair (31).

Vopnahléið átti að taka gildi klukkan 6:30 að íslenskum tíma. Daniel Hagari, áðurnefndur talsmaður, sagði í morgun að árásum myndi ekki linna fyrr en Hamas framfylgdi samkomulaginu og afhenti nöfn gíslanna. Benjamín Netanjahú, forsætisráðherra, sagði að vopnahléið hefjist ekki fyrr en listinn sé kominn í hendur Ísraelsmanna og gaf hann út sambærilega viðvörun í gærkvöldi.

Sjá einnig: Sam­þykktu vopna­hlé en fram­tíðin ó­ljós

Fram hefur komið að samkvæmt þessu þriggja fasa samkomulagi myndu Hamas-liðar sleppa fjölda gísla í skiptum fyrir það að Ísraelar sleppi Palestínumönnum úr fangelsi. Í fyrsta fasanum eiga Hamas-liðar að sleppa 33 gíslum yfir sex vikna tímabil og Ísraelar eiga að sleppa fjölmörgum Palestínumönnum úr fangelsum og þar á meðal dæmda hryðjuverkamenn.

Ísraelskir hermenn eiga einnig að hörfa frá byggðum Gasastrandarinnar á þessu tímabili og flæði neyðaraðstoðar á að aukast til muna.

Hér að neðan má sjá beina útsendingu AP fréttaveitunnar frá Khan Younis á Gasaströndinni.

Stórar spurningar eru uppi um hvað gerist eftir þetta sex vikna tímabil en viðræður um það eiga að hefjast tveimur vikum eftir að vopnahléið tekur gildi. Verði 33 gíslum sleppt á næstu sex vikum er talið að um hundrað verði áfram í haldi Hamas og að þriðjungur þeirra sé látinn.

Fylgst verður með vendingum dagsins í vaktinni hér að neðan. Sjáist hún ekki gæti þurft að endurhlaða síðuna.