Sport

Bald­vin stór­bætti eigið Ís­lands­met og tryggði sig inn á EM

Ágúst Orri Arnarson skrifar
Baldvin Þór er á leiðinni á EM í Hollandi.
Baldvin Þór er á leiðinni á EM í Hollandi.

Baldvin Þór Magnússon bætti eigið Íslandsmet í þrjú þúsund metra hlaupi innanhúss um rúmar fimm sekúndur. Hann hafði betur gegn Norðmanninum Filip Ingebrigtsen og stóð uppi sem sigurvegari á Norðurlandameistaramótinu. Í leiðinni tryggði Baldvin sér þátttökurétt á Evrópumótinu sem fer fram í Hollandi í næsta mánuði.

Baldvin var nýbúinn að setja Íslandsmet upp á 7:45,13 en hljóp í dag á 7:39,94 sem er bæting um 5,19 sekúndur.

Lágmarkið inn á EM er 7:43,00, mótið fer fram í Apeldoorn í Hollandi 6. - 9. mars næstkomandi.

Baldvin er einn af níu íslenskum keppendum á NM, sem fer fram í Espoo í Finnlandi. Ísland teflir fram sameiginlegu liði með Danmörku gegn liðum frá Finnlandi, Svíþjóð og Noregi.

Nánari upplýsingar um mótið má finna hjá Frjálsíþróttasambandi Íslands.

Hlaup Frjálsar íþróttir

Mest lesið


Fleiri fréttir

Sjá meira


×

Mest lesið