Dalai Lama segir arf­taka sinn munu fæðast í „hinum frjálsa heimi“

Tenzin Gyatso, fjórtándi Dalai Lama, var útnefndur arftaki forvera síns aðeins tveggja ára gamall. Hann flúði Tíbet árið 1959 og hefur búið í útlegð á Indlandi alla tíð síðan. Hann er 89 ára.

Hann hafði áður sagt að mögulega yrði hann síðasti Dalai Lama en í bókinni Rödd fyrir raddlausu, sem kemur út í dag, segir hann arftaka sinn munu fæðast í „hinum frjálsa heimi“ og verða áfram andlegur leiðtogi Tíbeta, tákn samkenndar og baráttu Tíbeta fyrir frelsi.

Stjórnvöld í Kína hafa fyrir sitt leyti sagst munu velja næsta Dalai Lama og segja núverandi andlegan leiðtoga Tíbeta „aðskilnaðarsinna“. Talsmaður utanríkisráðuneytis Kína sagið í gær að Dalai Lama væri „pólitískur útlagi sem stundaði and-kínverska aðskilnaðarstefnu undir trúarlegum möttli“.

Dalai Lama segir í bók sinni að heimaland hans sé enn í heljargreipum Kína og að baráttan fyrir frelsi mun halda áfram eftir dauða sinn. Hann hyggst greina nánar frá arftaka sínum í sumar, þegar hann verður níræður.