Leik lokið: Vestri-Afturelding 2-0 | Vestramenn aftur á toppinn

Vestramenn eru að byrja fótboltasumarið 2025 frábærlega og komust í dag aftur í toppsæti Bestu deild karla í fótbolta eftir heimsigur á nýliðum Aftureldingar.

Vestri vann leikinn 2-0 þar sem fyrsta mark leiksins kom úr vítaspyrnu strax á sjöundu mínútu. Diego Montiel skoraði af öryggi úr vítinu sem fyrirliðinn Morten Hansen fiskaði.

Arnór Borg Guðjohnsen kom inn á sem varamaður í sinum fyrsta leik fyrir Vestra og skoraði aðeins sex mínútum síðar. Ekki lengi að opna markareikning sinn fyrir vestan.

Þetta var fjórði sigur Vesta í fyrstu sex leikjunum og þeir eru nú með þremur stigum meira en Víkingar og Blikar sem eiga bæði leik inni.

Frekari umfjöllun og viðtöl koma inn á Vísi á eftir.