FH konur ætla að skrifa söguna í kvöld

Þetta er fyrri undanúrslitaleikurinn en Breiðablik og ÍBV mætast í hinum leiknum á fimmtudagskvöldið. Í boði er sæti í bikarúrslitaleiknum á Laugardalsvelli, fyrsta bikarúrslitaleiknum á nýja gervigrasinu.

FH hefur spilað vel í sumar en liðið er þremur sætum og tíu stigum á undan Val í Bestu deildinni.

FH konur ætla að skrifa söguna eins og sjá má á samfélagsmiðlum félagsins.

Svar allra viðmælanda var stutt og skýrt.

„Á morgun erum við að fara að skrifa söguna“.

Valskonur eiga bikar að verja síðan í fyrra og kvennalið Vals hefur alls komist 23 sinnum í bikarúrslitaleikinn. Það er því mjög ólíkt komið með reynslu þeirra af því að komast alla leið.

Þetta er þriðja tilraun FH-liðsins við bikarúrslitaleikinn á síðustu fimm árum en liðið tapaði undanúrslitaleiknum 2021 og 2023. Haustið 2021 tapaði liðið á móti Þrótti og árið 2023 á móti verðandi bikarmeisturum Víkings.

FH komst einnig í undanúrslitin árið 2001 en tapaði þá á móti verðandi bikarmeisturum Vals.