Dag­skráin í dag: Heimir gegn Ron­aldo, stór­leikur og Körfu­bolta­kvöld

Sýn Sport Ísland

Gömlu erkifjendurnir í Val og Breiðablik mætast klukkan 14 í Bestu deild kvenna. Fjórir leikir úr deildinni eru í beinni útsendingu í dag og allt svo gert upp í Bestu mörkunum klukkan 17. Um kvöldið tekur körfubolti karla við með stórleik Stjörnunnar og Vals klukkan 19:15 ásamt Körfuboltakvöldi í kjölfarið.

Sýn Sport Ísland 2

FH getur tryggt sér 2. sæti Bestu deildar kvenna, og þar með Evrópusæti í fyrsta sinn hjá kvennaliði félagsins, með sigri gegn Víkingi í leik sem hefst klukkan 14. Njarðvík og ÍR mætast svo klukkan 19 í Bónus-deild karla í körfubolta.

Sýn Sport Ísland 3

Þróttur þarf á sigri að halda gegn Stjörnunni í Garðabæ, klukkan 14, til að eiga einhverja von um Evrópusæti.

Sýn Sport 4

Tindastóll og FHL spila kveðjuleik sinn í bili í Bestu deild kvenna í fótbolta en bæði lið eru fallin. Leikurinn hefst klukkan 15. Fyrr um daginn, eða klukkan 11.30, er spilað á DP World Tour mótaröðinni í golfi og svo er spilað á LPGA-mótaröðinni í nótt, klukkan 3.

Sýn Sport Viaplay

Mikið hefur verið rætt og ritað um leik Erlings Haaland og félaga í norska landsliðinu við Ísrael, í undankeppni HM, sem hefst klukkan 16. Um kvöldið eða klukkan 18:45 er svo komið að afar áhugaverðum leik Portúgals og Írlands þar sem Heimir Hallgrímsson er undir mikilli pressu. Kvöldinu lýkur svo á leik Bruins og Sabres í NHL-deildinni.