Braut blað í sögunni eftir spóluna sem mamma keypti

Sjóhaukarnir enduðu á að vinna með afar miklum mun, 29-13, og var það varnarleikur þeirra sem hlaut mest lof eftir leikinn. Hún felldi felldi leikstjórnanda Patriots sjö sinnum og náði boltanum þrisvar sinnum af honum að auki. Vörnin skoraði einnig síðasta snertimark Sjóhaukanna í leiknum.

Durde var þegar orðinn fyrsti útlenski þjálfarinn til að komast í Super Bowl og þó að hann gegni ekki æðstu þjálfarastöðu Sjóhaukanna þá er hann einn nánasti aðstoðarmaður Mike Macdonald.

BBC fór yfir feril Durde fyrir leikinn í gær og þar kom fram að hann hefði alist upp ásamt eldri bróður hjá einstæðri móður í norðurhluta Lundúna. Áhuginn á amerískum fótbolta kviknaði svo þegar mamman keypti vídjóspólu um sigurlið Chicago Bears frá árinu 1986. Durde benti svo á þá skemmtilegu staðreynd eftir sigurinn í nótt að aðstoðarþjálfari Sjóhaukanna, Leslie Frazier, hefði verið í liði Bears.

„Þetta sá ég ekki fyrir,“ sagði Durde hlæjandi eftir sigurinn, þegar hann var spurður hvort að hann hefði dreymt um þessa stund þegar hann var barn.

„Maður tekur bara hverri stund sem kemur og þetta er ótrúleg stund sem ég ætla að meðtaka í nótt,“ sagði Durde sem var hugsað til fjölskyldu sinnar á sigurstundinni en einnig afar stoltur af leikmönnum sínum sem hefðu sýnt allar sínar bestu hliðar.

„Ég er þakklátur fyrir allt sem þeir gera og hafa gert. Við unnum að sama markmiði.“