Jagland sviptur frið­helgi

Jagland, sem er einnig fyrrverandi forsætisráðherra Noregs, naut friðhelgi sem fyrrverandi framkvæmdastjóri Evrópuráðsins. Norska ríkisútvarpið segir að ákvörðun ráðsins um að svipta hann friðhelginni geri efnahagsbrotadeild norsku lögreglunnar kleift að rannsaka hann.

Brotin sem Jagland er grunaður um að hafa framið felast í að hann hafi þegið gjafir, ferðir og lán á meðan hann var framkvæmdastjóri Evrópuráðsins frá 2009 til 2019. Þau eru í kastljósinu eftir uppljóstranir um tengsl Jagland við Epstein, bandaríska barnaníðinginn og auðkýfinginn.

Í skjölum sem bandaríska dómsmálaráðuneytinu birti á dögunum kom fram að Jagland hefði rætt um að heimsækja Epstein á alræmda einkaeyju hans í Karíbahafi þar sem hluti kynferðisbrota þess síðarnefnda var framinn.

Jagland hafði einnig milligöngu um að koma Epstein í samband við utanríkisráðherra Rússlands árið 2018, áratug eftir að Epstein hlaut dóm fyrir kynferðisbrot.