Freyr ráðinn til Sam­taka iðnaðarins

Í tilkynningu segir að Freyr hafi áður starfað hjá KLAK - Icelandic Startups frá 2019 þar sem hann hafi haft umsjón með alþjóðlegum verkefnum og leiddi uppbyggingu og framkvæmd verkefnisins DAFNA fyrir Tækniþróunarsjóð. 

„Þar stýrði hann einnig hröðlum og hugmyndasamkeppnum og tók þátt í að byggja upp stærsta mentorsamfélag landsins, KLAK VMS. Hann hefur víðtæka reynslu af nýsköpun, tengslamyndun og stuðningi við fyrirtæki í tækni- og hugverkaiðnaði.

Freyr er með meistaragráðu í frumkvöðlafræði og stjórnun nýsköpunar frá KTH í Stokkhólmi og BS-gráðu í hugbúnaðarverkfræði frá Háskólanum í Reykjavík,“ segir í tilkynningunni.