Enski boltinn

„Þeir Pétur Jóhann eru tengdir við sama dýrið en annar á mjög nei­kvæðan hátt“

Ingvi Þór Sæmundsson skrifar
Albert Brynjar Ingason átti að finna þá þrjá leikmenn sem vantaði í byrjunarlið Chelsea í bikarúrslitaleiknum gegn Arsenal 2020.
Albert Brynjar Ingason átti að finna þá þrjá leikmenn sem vantaði í byrjunarlið Chelsea í bikarúrslitaleiknum gegn Arsenal 2020. sýn sport

Strákarnir í Sunnudagsmessunni fengu skemmtilegt verkefni í síðasta þætti. Þar áttu þeir að giska á hvaða leikmenn vantaði í lið Arsenal og Chelsea í úrslitaleik ensku bikarkeppninnar 2020. Kjartan Atli Kjartansson reyndi að koma sérfræðingum þáttarins á bragðið með mislangsóttum vísbendingum.

„Ég er enginn límheili,“ sagði Albert Brynjar Ingason þegar Kjartan Atli tilkynnti þeim Aroni Jóhannssyni hvaða verkefni biði þeirra.

Albert átti að giska á hvaða þrjá leikmenn vantaði í byrjunarlið Chelsea í bikarúrslitaleiknum fyrir sex árum.

Einn miðvörð vantaði í byrjunarlið Chelsea og Kjartan Atli freistaði þess að kveikja á peru sérfræðinganna með skemmtilegri vísbendingu.

„Þeir Pétur Jóhann eru tengdir við sama dýrið. Annar á mjög neikvæðan hátt,“ sagði Kjartan Atli.

„Er þetta Kurt Zouma?“ spurði Albert og hitti þar naglann á höfuðið. Fyrir fjórum árum þurfti Zouma að sinna samfélagsþjónustu eftir að hafa viðurkennt illa meðferð á köttunum sínum.

Klippa: Messan - Týndu leikmennirnir

Pétur Jóhann er hins vegar þekktur fyrir að herma skemmtilega eftir köttum.

Þeir Albert og Aron fundu á endanum mennina sex sem vantaði í byrjunarliðin í bikarúrslitaleiknum 2020 en Kjartan Atli var duglegur að gefa þeim vísbendingar.

Innslagið úr Messunni má sjá í spilaranum hér fyrir ofan.

Enski boltinn Messan

Tengdar fréttir

Skoðaði drykk Alberts eftir umræðu um vítin

Þeir voru vægast sagt ósammála, framherjarnir Aron Jóhannsson og Albert Brynjar Ingason, þegar talið barst að dæmdum og ekki dæmdum vítum í leik Bournemouth og Manchester United.

Mest lesið


Fleiri fréttir

Sjá meira


×

Mest lesið