Verð­bólga eykst enn

Í tilkynningu á vef Hagstofunnar segir að ísitala neysluverðs, miðuð við verðlag í mars 2026, sé 678,3 stig og hækki um 0,55 prósent frá fyrri mánuði. Vísitala neysluverðs án húsnæðis sé 542,4 stig og hækki um 0,67 prósent frá febrúar 2026.

Síðastliðna tólf mánuði hafi vísitala neysluverðs hækkað um 5,4 prósent og vísitala neysluverðs án húsnæðis um 4,9 prósent.

Verð á mat og óáfengum drykkjum hafi hækkað um 0,7 prósent og haft 0,11 prósenta áhrif á vísitöluna til hækkunar, verð á bensíni hafi hækkað um 5,8 prósent og haft 0,10 prósenta áhrif til hækkunar og verð á dísel hafi hækkað um 6,9 prósent og haft 0,05 prósenta áhrif til hækkunar.

Landsbankinn hafði spáð því að verðbólga myndi mælast 5,4 prósent og Íslandsbanki spáði 5,5 prósenta verðbólgu.