Halda Demantamót í Dóha þrátt fyrir stríðið

Höfuðborg Katar á að hýsa fyrsta mótið af fimmtán viðburðum ársins á Demantamótaröðinni en mótið í Dóha er á dagskrá þann 8. maí næstkomandi.

Lokaákvörðun um mótið verður tekin „ekki síðar en mánuði“ fyrir þann keppnisdag. Breska ríkisútvarpið segir frá.

Demantamótaröðin sagði í yfirlýsingu að hún „haldi áfram að fylgjast með aðstæðum í Doha og vinni náið með skipuleggjendum mótsins, frjálsíþróttasambandi Katar, viðeigandi yfirvöldum í Katar og Alþjóðafrjálsíþróttasambandinu“.

Þar kom einnig fram: „Öryggi íþróttamanna og áhorfenda er okkar aðaláhyggjuefni og við erum einnig að kanna aðra möguleika með öllum hagsmunaaðilum.“

Nokkir stórir íþróttaviðburðir hafa orðið fyrir miklum áhrifum af stríðaástandinu í Mið-Austurlöndum eftir að Bandaríkin og Ísrael gerðu víðtækar árásir á Íran í febrúar.

Formúla 1 hefur aflýst keppnum sínum í Barein og Sádi-Arabíu sem áttu báðar að fara fram í apríl.

Finalisma-fótboltaleiknum á milli Argentínu og Spánar, sem átti að fara fram í Katar í þessum mánuði, var einnig aflýst.

Fyrrverandi efsti kylfingur heimslistans, Daniil Medvedev, var meðal þeirra tennismanna sem urðu strandaglópar eftir meistaramótið í tennis í Dúbaí þegar lofthelgi á svæðinu lokaði strax í kjölfar árásanna.

Eftir viðburðinn í Doha færist Demantsmótaröðin til Kína fyrir viðburði í Sjanghæ og Xiamen.