Þorsteinn kynnti hópinn sem á að koma Íslandi í átt að HM

Sindri Sverrisson skrifar 21. maí 2026 12:46

Glódís Perla Viggósdóttir með augun á boltanum í 1-0 sigrinum gegn Úkraínu í apríl. vísir/Diego

Þorsteinn Halldórsson, þjálfari kvennalandsliðsins í fótbolta, sat fyrir svörum á blaðamannafundi í dag þar sem hann kynnti leikmannahópinn fyrir komandi leiki við Úkraínu og heimsmeistara Spánar. Fundurinn var í beinni á Vísi.

Ísland mætir Úkraínu í Póllandi föstudaginn 5. júní kl. 16 og svo koma heimsmeistararnir á Laugardalsvöll þriðjudaginn 9. júní kl. 19.

Sveindís Jane Jónsdóttir er á sínum stað í íslenska hópnum sem er óbreyttur frá síðasta verkefni, eins og sjá má hér að neðan. Þorsteinn sagði hins vegar aðeins helmingslíkur á að Sveindís gæti spilað leikina en hún glímir við meiðsli í il.

Blaðamannafundinn í dag má sjá í spilaranum hér að neðan.

England er efst í riðli Íslands með 12 stig, Spánn er með 9, Ísland 3 en Úkraína 0 stig. Efsta liðið kemst beint á HM en hin þrjú fara í umspil. Umspilsleiðin fyrir neðsta liðið er þó mun torfærari en fyrir liðin í 2. og 3. sæti og því gulls ígildi fyrir Ísland að halda Úkraínu fyrir neðan sig.

Hópurinn gegn Úkraínu og Spáni: