Sport

Elísa meðal tíu efstu á EM í utan­vega­hlaupum

Ágúst Orri Arnarson og Aron Guðmundsson skrifa
Þorsteinn Roy, Andrea Kolbeins og Elísa Kristins eru í íslenska landsliðinu sem alls átta hlauparar skipa
Þorsteinn Roy, Andrea Kolbeins og Elísa Kristins eru í íslenska landsliðinu sem alls átta hlauparar skipa

Elísa Kristinsdóttir hafnaði í 9. sæti í kvennaflokki á Evrópumótinu í utanvegahlaupum í Kamnik í Slóveníu.

Elísa kom í mark á tímanum 4:51:43 í þessu 53,6 kílómetra langa hlaupi yfir fjöll og firnindi. Hún varð 15:02 mínútum á eftir Judith Wyder sem vann gullið.

Mikil hækkun var í upphafi hlaups og Elísa fór rólega af stað en setti svo í annan gír þegar líða fór á. Hún náði að festa sig í þéttum hópi tíu efstu hlauparanna en sú ellefta dróst lengra á eftir. Á endanum náði Elísa að tryggja sér níunda sætið eftir að hafa flakkað á milli áttunda og tíunda sætis undir lok hlaups.

Elísa Kristinsdóttir, hlaupakona.Vísir/Ívar

Andrea Kolbeinsdóttir hafnaði í 31. sæti en hún kom í mark á tímanum 5:22:16, tæpum hálftíma á eftir Elísu.

Íris Anna Skúladóttir og Anna Berglind Pálmadóttir tóku einnig þátt fyrir hönd Íslands.

Í karlaflokki varð Þorbergur Ingi Jónsson fyrstur Íslendinga í mark á tímanum 4:35:02 en hann hafnaði í 51. sæti. Þorsteinn Roy fylgdi rétt á eftir, í 53. sæti á tímanum 4:36:31.

Sigurjón Ernir Sturluson og Stefán Pálsson urðu í 63. og 74. sæti. Úrslit hlaupsins má finna hér.

Landslið Íslands skipa:

Kvennaflokki:

  • Andrea Kolbeinsdóttir, ÍR
  • Elísa Kristinsdóttir, UFA
  • Íris Anna Skúladóttir, FH
  • Anna Berglind Pálmadóttir, UFA 

Karlaflokki:

  • Þorsteinn Roy Jóhannsson, UMFÖ
  • Þorbergur Ingi Jónsson, UFA
  • Sigurjón Ernir Sturluson, FH 
  • Stefán Pálsson, Ármann
Hlaup

Mest lesið


Fleiri fréttir

Sjá meira


×

Mest lesið