Amanda allt í öllu í frá­bærri endur­komu

Amanda byrjaði á að leggja upp mark fyrir suður-kóreska landsliðsframherjann Lee Eun-young á 68. mínútu og skoraði svo sjálf fimm mínútum síðar, og minnkaði muninn í eitt mark.

Þegar komið var fram á sjöundu mínútu uppbótartíma tókst svo heimakonum að jafna metin þegar Mia Settemsdal kom boltanum í netið.

Molde náði því í dýrmætt stig og er nú með 11 stig í 9. sæti, tveimur stigum fyrir ofan Röa og þremur fyrir ofan Hönefoss en níu fyrir ofan botnlið Bodö/Glimt. Tvö neðstu liðin falla og þriðja neðsta liðið fer í umspil um að forðast fall, en Molde er nú í neðsta örugga sætinu eftir ellefu umferðir.

Haugesund er þremur stigum ofar en Molde, í 7. sæti.

Amanda virðist komin á fulla ferð eftir að hafa glímt við meiðsli í vetur en hún hafði komið inn á sem varamaður í fyrstu fjórum deildarleikjum sínum á tímabilinu, áður en hún var svo í byrjunarliðinu gegn Stabæk fyrir viku. Hún hefur nú skorað tvö mörk og átt þrjár stoðsendingar í sex deildarleikjum á tímabilinu.