Innlent

Skothljóð og minkafár í Mosfellsdal í beinni

Sunna Sæmundsdóttir skrifar
Sunna Sæmundsdóttir les kvöldfréttir í kvöld.
Sunna Sæmundsdóttir les kvöldfréttir í kvöld. vísir

Hundruð dýra hafa verið aflífuð eftir að þúsundum minka var sleppt úr minkabúi í Mosfellsdal. Í kvöldfréttum sjáum við myndir frá óvenjulegum degi í Mosfellsbæ þar sem skothvellir ómuðu. Við ræðum einnig við íbúa og bóndann á Dalsbúi auk þess sem við verðum í beinni frá svæðinu og fylgjumst með aðgerðum.

Heilbrigðisráðherra vill banna bragðefni í nikótínvörum og setja þær í einsleitar umbúðir. Við ræðum við sérfræðing hjá landlækni um frumvarpsdrög ráðherrans.

Þá sjáum við myndir frá Japan þar sem fólks er enn leitað í rústum verslunarmiðstöðvar eftir jarðskjálfta og hittum hjón sem tóku afdrifaríka ákvörðun á happy hour-stund og breyttu fjósi í kremverksmiðju og veislusal.

Í Sportpakkanum mætir Valur Páll í myndver og ræðir umdeild áform forseta FIFA um að hleypa fjárfestum inn í sambandið auk þess sem við verðum í beinni frá Ölver þar sem stuðningsmenn Víkings fylgjast með Evrópuleik liðsins.

Þetta og fleira á samtengdum rásum Sýnar, Vísis og Bylgjunnar klukkan 18:30.

Kvöldfréttir

Mest lesið


Fleiri fréttir

Sjá meira


×

Mest lesið