Elías og fé­lagar flugu á­fram

Midtjylland vann leikinn 4-1 og einvígið því samanlagt 6-1, en danska liðið hafði unnið fyrri leikinn 2-0 á heimavelli.

Elías stóð í marki Midtjylland allan leikinn og fékk því tækifæri til að upplifa enn eitt Evrópukvöldið með danska liðinu. Hann þurfti að sækja boltann úr netinu snemma leiks þegar Daniel Adu-Adjei kom Rijeka yfir á fjórðu mínútu.

Markið virtist þó ekki slá Midtjylland út af laginu. Stanley Iheanacho jafnaði metin á 17. mínútu og gestirnir tóku svo öll völd í síðari hálfleik.

Darío Osorio kom Midtjylland yfir á 51. mínútu áður en Magnus Jensen bætti þriðja markinu við fimm mínútum síðar. Gue-sung Cho innsiglaði svo stórsigurinn með fjórða markinu á 78. mínútu.

Midtjylland er þar með komið áfram í deildarkeppni Sambandsdeildarinnar eftir sannfærandi frammistöðu í einvíginu gegn Rijeka.