13 ára sundundur raðar inn verð­launum og bætir met

Yu keppti í 200 metra flugsundi og hlaut fyrsta gull sitt á stórmóti á ferlinum er hún kom í bakkann á 2:05,08. Það er jafnframt mótsmet í greininni á Asíuleikunum og hún var þremur sekúndum á undan næstu konu í mark.

„Frammistaðan var bara allt í lagi,“ sagði Yu við fjölmiðla eftir sundið og sagði hún að hana „skorti betri tækni“ í flugsundinu.

Unglingurinn, sem er fædd 16. október árið 2012 sagði: „Ég vona að ég geti synt enn hraðar. Ég bætti tímann um 0,9 sekúndur hérna en trúi því að ég geri betur næst.“

Yu bætti um betur þegar hún vann einnig gullverðlaun í 200m fjórsundi, einnig á nýju Asíuleikameti, á tímanum 2:06,10.

Sá tími er aðeins 0,4 sekúndum frá heimsmeti í greininni.

Yu hefur þegar vakið mikla athygli á landsmótum í Kína og þá varð hún yngsti sundmaður sögunnar til að vinna til verðlauna á HM í sundi. Hún var aðeins tólf ára þegar hún var hluti af 4x200 metra boðssundsteymi Kína sem hlaut brons í ágúst á síðasta ári.