Arnar um Aron Einar: „Ekkert per­sónu­legt“

Aron Einar byrjaði í miðri vörn Íslands í 3-0 sigri laugardagsins en spilaði þó aðeins 45 mínútur og kippt af velli í leikhléi. Landsliðsþjálfarinn var spurður á blaðamannafundi í Tallinn í dag hvort fyrrverandi landsliðsfyrirliðinn hafi verið ósáttur við að fara af velli.

„Það er enginn leikmaður ánægður með það og Arnór (Sigurðsson, sem einnig fór af velli í hálfleik) ekki heldur. Hvort sem þeir hafi beðið um skýringar eða ekki á því skiptir engu máli. Ég tek þessar ákvarðanir með hag liðsins í huga og að reyna að vinna leiki,“

„Ég taldi þetta það besta í stöðunni í hálfleik og svo getur eitthvað annað komið upp í hálfleik á morgun. Þetta er ekkert persónulegt gagnvart þessum strákum. Við erum að reyna að vinna leiki hérna,“ segir Arnar.

Ísland mætir Eistlandi ytra annað kvöld klukkan 18:45. Leikurinn verður sýndur beint og í opinni dagskrá á Sýn Sport.

Sjá má blaðamannafund dagsins þar sem Arnar sat fyrir svörum ásamt Guðlaugi Victori Pálssyni, í spilaranum að ofan.