Leik­menn lands­liðsins sekir um aga­brot

Fótbolti.net greinir frá málinu en þar er haft eftir Eysteini Pétri Lárussyni, framkvæmdastjóra KSÍ, þar sem hann segir að búið sé að ræða við bæði leikmennina sem brutu af sér og hópinn í heild sinni. Samkvæmt honum er búið að afgreiða málið og ekki verður meira gert í því.

Samkvæmt fótbolta.net var agabrotið áfengisneysla nokkurra leikmanna eftir landsleikinn gegn Búlgaríu. Hann var spilaður síðasta laugardag hér á Íslandi og virðist brotið hafa átt sér stað þá.

Hlaðvarpsþáttastjórnandinn Kristján Óli Sigurðsson staðfesti á samfélagsmiðlinum X að um sé að ræða áfengisneyslu leikmanna. Hann heldur úti hlaðvarpinu Þungavigtin ásamt Mikael Nikulássyni og Ríkharð Óskari Guðnasyni.