Golf

Golf

Fréttir og úrslit úr heimi golfsins.

Fréttamynd

Martin Kaymer gæti unnið sér inn 310 milljónir kr. með sigri í Dubai

Martin Kaymer gerði sig líklegan til þess að ná efsta sæti heimslistans í golfi með því að leika á 67 höggum í dag á fyrsta keppnisdegi Dubai heimsmótsins. Sigurvegari mótsins fær um 140 milljónir kr. í sinn hlut og sá sem verður í efsta sæti peningalistans fær um 170 milljónir kr. fyrir þann árangur. Ef sami aðilinn sigrar og endar í efsta sæti peningalistans fær hann samtals um 310 milljónir kr.

Golf
Fréttamynd

Mourinho tekur þátt í hörkubaráttu gegn Madrid

Jose Mourinho, knattspyrnustjóri spænska stórliðsins Real Madrid, einbeitir sér ekki aðeins að því að stjórna einu stærsta fótboltaliði heims. Hann hefur tekið að sér það hlutverk að vera talsmaður umsóknar Portúgala sem vilja halda Ryderkeppnina í golfi árið 2018.

Golf
Fréttamynd

Tiger leggur línurnar í viðtali við ESPN

Tiger Woods vinnur að því hörðum höndum þessa dagana að laga ímynd sína. Það er bráðum liðið ár frá því að hann lenti í enn óútskýrðri uppákomu með fyrrum eiginkonu sinni, Elin, sem endaði með því að rúða í bíl hans var brotin með golfkylfu og hann keyrði á tré.

Golf
Fréttamynd

Ginola stefnir á atvinnumennsku í golfi

„Ég er kylfingur, en ekki kvikmyndastjarna," segir Frakkinn David Ginola sem á árum áður var í fremstu röð í ensku knattspyrnunni með Newcastle, Tottenham og Aston Villa. Ginola, sem er 43 ára gamall, gerir lítið annað en að leika golf en hann hefur sett sér það markmið að komast í gegnum úrtökumót fyrir atvinnumótaröð 50 ára og eldri á Evrópumótaröðinni.

Golf
Fréttamynd

Adam Scott sigraði í Singapúr

Adam Scott frá Ástralíu sigraði á Barclays meistaramótinu á Evrópumótaröðinni í golfi í gær en mótið fór fram í Singapúr. Þetta er í þriðja sinn sem Scott sigrar á þessu móti og alls hefur hann sigrað á sjö mótum á Evrópumótaröðinni. Scott lék samtals á 17 höggum undir pari en hann lék lokahringinn á 68 höggum. Hann var þremur höggum betri en Anders Hansen frá Danmörku.

Sport
Fréttamynd

Tiger búinn að missa af lestinni í Ástralíu

Það er orðið endanlega ljóst að Tiger Woods nær ekki að verja titil sinn á ástralska meistaramótinu í golfi. Tiger fór þriðja hringinn á 71 höggi og er 10 höggum á eftir efsta manni, Adam Bland, fyrir lokadaginn.

Golf
Fréttamynd

Garcia heitur en Tiger kaldur

Sergio Garcia spilaði sinn besta golfhring á árinu er hann lék annan hringinn á opna ástralska meistaramótinu á 65 höggum. Hann er sex höggum á eftir efsta manni, Adam Bland.

Golf
Fréttamynd

Birgir Leifur endaði í fjórða sæti á Spáni

Birgir Leifur Hafþórsson, kylfingur úr GKG, endaði í fjórða sæti á á Condado Open mótinu sem fram fer á Hi5 mótaröðinni á Spáni og lauk í dag. Birgir Leifur var í fimmta sæti fyrir lokadaginn og hækkaði sig því um eitt sæti í dag.

Golf
Fréttamynd

Tiger enn í basli með púttin

Tiger Woods lék fyrsta hringinn á opna ástralska meistaramótinu á 69 höggum eða tveimur höggum undir pari. Hann er fjórum höggum á eftir efstu mönnum.

Golf
Fréttamynd

Birgir Leifur lék fyrsta hringinn á pari

Birgir Leifur Hafþórsson lék á pari vallar á fyrsta hringum á atvinnumóti í golfi sem fram fer á Spáni. Mótið er hluti af Hi5 atvinnumótaröðinni og eru þrír íslenskir kylfingar á meðal keppenda.

Sport
Fréttamynd

Birgir Leifur í fimmta sæti eftir tvo hringi

Birgir Leifur Hafþórsson hefur byrjað mjög vel á Condado Open-mótinu sem er liður í spænsku Hi5-mótaröðinni. Birgir Leifur er í fimmta sæti eftir tvo daga en hann hefur spilað fyrstu 36 holurnar á þremur höggum undir pari.

Golf
Fréttamynd

McIlroy yfirgefur PGA mótaröðina

Ungstirnið Rory McIlroy frá Norður-Írlandi hefur ákveðið að leika ekki á bandarísku atvinnumótaröðinni í golfi á næsta ári sem fullgildur meðlimur. Svo gæti farið að þrír af tíu efstu kylfingum heimslistans verði ekki á PGA mótaröðinni á næsta ári.

Sport
Fréttamynd

Molinari hafði betur gegn besta kylfingi heims í Kína

Ítalinn Francesco Molinari sigraði á HSBC Champions golfmótinu sem lauk í morgun í Sanghæ, Kína. Molinari lék samtals á 19 höggum undir pari og lék einu höggi betur en besti kylfingur heims, Englendingurinn Lee Westwood, sem varð annar. Þeir tveir voru í algjörum sérflokki í mótinu.

Golf
Fréttamynd

Molinari heldur sínu strik í Kína

Ítalski kylfingurinn Francesco Molinari heldur sínu striki á HSBC golfmótinu í Kína en hann lék á 70 höggum á öðrum keppnisdegi mótsins. Samtals er Molinari á 9 höggum undir pari og er hann með eitt högg í forskot á Lee Westwood frá Englandi sem er efstur á heimslistanum þessa stundina. Tiger Woods hefur ekki náð sér á strik á mótinu.

Sport
Fréttamynd

Tiger byrjaði ágætlega í Kína

Ítalski kylfingurinn Francesco Molinari, sem lék með Ryderliði Evrópu á Celtic Manor í haust, er efstur að loknum fyrsta keppnisdegi á HSBC meistaramótinu í golfi í Kína. Bandaríkjamaðurinn Tiger Woods lék ágætlega og er hann á 68 höggum eða 4 höggum undir pari vallar.

Golf
Fréttamynd

Tiger í efsta sæti í tæplega 12 ár

Tiger Woods segir að það hafi alls ekki komið sér á óvart að enski kylfingurinn Lee Westwood velti honum úr efsta sæti heimslistans í gær. Woods hafði verið í efsta sæti heimslistans 281 viku samfellt og samtals í rétt um 12 ár.

Golf
Fréttamynd

Westwood kominn á topp heimslistans í golfi

Það urðu kaflaskil í golfheiminum í dag þegar Englendingurinn Lee westwood hrifsaði toppsæti heimslistans af Tiger Woods. Tiger hafði setið á toppi listans samfleytt í 281 viku.

Golf
Fréttamynd

Daly: Ég spilaði betur þegar ég var fullur

Kylfingurinn skrautlegi John Daly bindur bagga sína ekki sömu hnútum og samferðamennirnir og það hefur hann margoft sannað. Daly hefur átt í vandræðum með áfengi, fíkniefni sem og vigtina á skrautlegum ferli.

Golf
Fréttamynd

Íslenska kvennaliðið í 42. sæti á HM

Íslenska kvennalandsliðið í golfi endaði í 42. sæti ásamt Brasilíu á heimsmeistaramótinu í Argentínu sem lauk í dag. Íslenska liðið lék samtals á 609 höggum.

Golf
Fréttamynd

Tiger: Fór í sjálfsskoðun og leist ekki vel á það sem ég sá

Tiger Woods segist hafa lært gríðarlega mikið á undaförnu ári þó svo hann hafi ekki unnið neitt á árinu. Árið hefur verið rússíbanareið fyrir kylfinginn sem segist vera orðinn sáttari við sjálfan sig en hann var þegar hann byrjaði að spila golf á nýjan leik í apríl.

Golf
Fréttamynd

Harrington náði loksins sigri

Írski kylfingurinn Padraig Harrington batt enda á tveggja ára sigurleysi með sigri í Malasíu í dag. Þessi þrefaldi risameistari vann Iskandar Johor Open mótið nokkuð örugglega og var þremur höggum á undan næsta kylfingi.

Golf
Fréttamynd

Colin Montgomerie: Olazábal ætti að verða næsti fyrirliði Evrópu

Colin Montgomerie verður ekki fyrirliði evrópska liðsins þegar Ryder-bikarinn fer fram í Bandaríkjunum eftir tvö ár en Montgomerie stýrði evrópska liðinu til sigurs í Ryder-bikarnum í gær. Næsti Ryder-bikarinn fer fram í Chicago árið 2012 og Montgomerie vill að Spánverjinn José María Olazábal taki við stöðu hans þar.

Golf

Mest lesið