Nýliðar Wigan fá Henchoz

Wigan Athletic, nýliðarnir í ensku úrvalsdeildinni, hafa náð samkomulagi við svissneska landsliðsmanninn Stephane Henchoz. Þessi fyrrum varnarmaður Liverpool hefur undanfarna viku æft með Wigan og náði að sannfæra knattspyrnustjórann Paul Jewell um að hann sé vænlegur kostur. Henchoz er þrítugur og hefur staðist læknisskoðun hjá Wigan og mun gera tveggja ára samning við félagið. Hann leikur sem miðvörður en í janúar síðastliðnum gekk hann til liðs við Glasgow Celtic og spilaði með liðinu út tímabilið. Jewell hefur verið að leita að leikmanni til að fá aukna reynslu í leikmannahóp sinn og tvímælalaust mun Henchoz koma með aukna reynslu til félagsins.