Suður-Afríka átti aldrei möguleika 17. ágúst 2005 00:01 Íslenska landsliðið vann afar sannfærandi 4-1 sigur á arfaslöku s-afrísku liði í vináttuleik á Laugardalsvellinum í gærkvöld. Mikil batamerki voru á leik íslenska liðsins og lofar frammistaðan góðu. Lítið kom á óvart í byrjunarliði Íslands í leiknum í gærkvöld. Þjálfararnir héldu sig við 4-5-1 leikkerfið frá því í síðasta leik liðsins gegn Möltu og lék Eiður Smári Guðjohnsen sem fremsti maður á miðjunni fyrir aftan Heiðar Helguson. Íslenska liðið sótti nokkuð hart að S-Afríkumönnum frá fyrstu mínútu og það var greinilegt að það átti ekki að leggjast í neinn varnarleik. Leikaðferð S-Afríku verður seint talin vera hefðbundin; liðið leikur afar svæfandi knattspyrnu með allt að sex miðjumenn sem náðu skiljanlega að spila ágætis reitabolta sín á milli gegn fjórum miðjumönnum Íslands. En sóknartilburðir þeirra voru afar litlir og ekki bar á öðru en að íslensku leikmennirnir nytu sín vel gegn slíkum leikstíl. Það var síðan staðfest á 25. mínútu þegar Grétar Rafn Steinsson kom Íslendingum verðskuldað yfir með fínum skalla eftir fyrirgjöf Indriða Sigurðssonar. Þremur mínútum síðar jafnaði Delron Buckley metin úr fyrsta umtalsverða marktækifæri gestanna með því að fylgja eftir skoti Benni McCarthy. Markið var kolólöglegt þar sem Buckley var augljóslega rangstæður þegar skot McCarthy reið af. David McKeon, írskur dómari leiksins, gerði okkur hins vegar grikk, með því að dæma markið gilt, og var það í annað sinn í leiknum þar sem skömmu áður hafði hann neitað Kára Árnasyni um augljósa vítaspyrnu. Mörkin tvö voru það besta sem gat komið fyrir leikinn og blésu svo sannarlega nýju lífi í hann; Eiður Smári og Heiðar Helguson fengu báðir gullið tækifæri til að skora í sömu sókninni á 31. mínútu en Hans Vonk í marki S-Afríku varði meistaralega í tvígang. Hann kom þó engum vörnum við á 42. mínútu þegar Arnar Þór Viðarsson, af öllum mönnum, kom Íslendingum yfir á ný eftir góðan undirbúning Eiðs Smára. Síðari hálfleikurinn var mun rólegri og tíðindaminni en sá fyrri; Íslendingar voru afslappaðir í sínum leik og með leikinn í hendi sér en jafnframt var furðulegt að sjá hversu lítið S-Afríkumenn reyndu að sækja miðað við að þeir væru marki undir. Áhugaleysi gestanna kom þeim í koll um miðjan hálfleikinn þegar Heiðar skoraði þriðja mark Íslands með fínum skalla eftir hornspyrnu Veigars Páls Gunnarssonar. Fimm mínútum síðar bætti Veigar Páll við fjórða markinu með stórkostlegu skoti sem varð til þess að tryggja sigurinn endanlega. Sigur íslenska liðsins var vissulega góður og sannfærandi en hins vegar má setja spurningarmerki við þá mótspyrnu sem S-Afríka reyndist vera. Áhugaleysið skein af leikmönnum þeirra og svo virðist sem að það hafi tekið einum of mikið á að ferðast frá syðsta landi veraldar til nyrstu höfuðborgarinnar. Hjá Íslandi skein leikgleðin hins vegar af leikmönnum, allir sem komu við sögu í leiknum stóðu fyrir sínu og flestir vel það. Í heildina var frammistaða Íslands afar sannfærandi og það að hún skuli hafa sigrað þjóð sem er í 38. sæti heimslistans er ekkert nema góðs viti og gefur góð fyrirheit upp á framhaldið. Íslenski boltinn Mest lesið Töpuðu 15-0 í síðasta leik og mættu ekki til leiks í gær Íslenski boltinn Fernandes ósáttur: „Dómarinn baðst ekki afsökunar“ Enski boltinn Botna lítið í Amorim: „Hann er ein taugahrúga“ Enski boltinn Fer í aðgerð á föstudag og frá í sex til átta mánuði Íslenski boltinn Fjármagnar tennisferilinn á OnlyFans Sport „Getur ekki látið 140 milljóna punda mann í varaliðið“ Enski boltinn „Það urðu smá árekstrar en heilt yfir var þetta ótrúlega vel skipulagt“ Sport Sjáðu Grealish fara á kostum og öll mörkin í gær Enski boltinn Tilfinningaþrungin stund þegar Magnús Máni kom í mark Sport Rooney feginn að Dowman tók ekki vítið Enski boltinn Fleiri fréttir „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund Fóru af hjörunum eftir að ljósmyndari fór inn á „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Stjörnurnar samglöddust Fleetwood sem vann loks í 164. tilraun Fer í aðgerð á föstudag og frá í sex til átta mánuði „Það urðu smá árekstrar en heilt yfir var þetta ótrúlega vel skipulagt“ Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Dagskráin í dag: KR-ingar vilja slíta sig frá fallbaráttunni Fjármagnar tennisferilinn á OnlyFans Fáni stuðningsmanna Palace til rannsóknar „Hefði viljað þriðja markið“ „Við vorum skíthræddir“ Mbappé afgreiddi Real Oviedo Albert lagði upp mark Fiorentina Uppgjörið: FH - ÍBV 1-1 | Alvöru dramatík í uppbótartíma Sjáðu mark Júlíusar í Svíþjóð Uppgjörið: KA - Fram 2-0 | Sanngjarn sigur heimamanna Daníel skoraði gegn Víkingsbönum Ágúst strax kominn með titil hjá Álaborg Sætur sigur í fyrsta leik Ísaks í efstu deild Þýskalands Allt jafnt í Fulham og bæði lið bíða enn eftir fyrsta sigri María gaf tóninn í sigri eftir átta töp í röð Sjá meira
Íslenska landsliðið vann afar sannfærandi 4-1 sigur á arfaslöku s-afrísku liði í vináttuleik á Laugardalsvellinum í gærkvöld. Mikil batamerki voru á leik íslenska liðsins og lofar frammistaðan góðu. Lítið kom á óvart í byrjunarliði Íslands í leiknum í gærkvöld. Þjálfararnir héldu sig við 4-5-1 leikkerfið frá því í síðasta leik liðsins gegn Möltu og lék Eiður Smári Guðjohnsen sem fremsti maður á miðjunni fyrir aftan Heiðar Helguson. Íslenska liðið sótti nokkuð hart að S-Afríkumönnum frá fyrstu mínútu og það var greinilegt að það átti ekki að leggjast í neinn varnarleik. Leikaðferð S-Afríku verður seint talin vera hefðbundin; liðið leikur afar svæfandi knattspyrnu með allt að sex miðjumenn sem náðu skiljanlega að spila ágætis reitabolta sín á milli gegn fjórum miðjumönnum Íslands. En sóknartilburðir þeirra voru afar litlir og ekki bar á öðru en að íslensku leikmennirnir nytu sín vel gegn slíkum leikstíl. Það var síðan staðfest á 25. mínútu þegar Grétar Rafn Steinsson kom Íslendingum verðskuldað yfir með fínum skalla eftir fyrirgjöf Indriða Sigurðssonar. Þremur mínútum síðar jafnaði Delron Buckley metin úr fyrsta umtalsverða marktækifæri gestanna með því að fylgja eftir skoti Benni McCarthy. Markið var kolólöglegt þar sem Buckley var augljóslega rangstæður þegar skot McCarthy reið af. David McKeon, írskur dómari leiksins, gerði okkur hins vegar grikk, með því að dæma markið gilt, og var það í annað sinn í leiknum þar sem skömmu áður hafði hann neitað Kára Árnasyni um augljósa vítaspyrnu. Mörkin tvö voru það besta sem gat komið fyrir leikinn og blésu svo sannarlega nýju lífi í hann; Eiður Smári og Heiðar Helguson fengu báðir gullið tækifæri til að skora í sömu sókninni á 31. mínútu en Hans Vonk í marki S-Afríku varði meistaralega í tvígang. Hann kom þó engum vörnum við á 42. mínútu þegar Arnar Þór Viðarsson, af öllum mönnum, kom Íslendingum yfir á ný eftir góðan undirbúning Eiðs Smára. Síðari hálfleikurinn var mun rólegri og tíðindaminni en sá fyrri; Íslendingar voru afslappaðir í sínum leik og með leikinn í hendi sér en jafnframt var furðulegt að sjá hversu lítið S-Afríkumenn reyndu að sækja miðað við að þeir væru marki undir. Áhugaleysi gestanna kom þeim í koll um miðjan hálfleikinn þegar Heiðar skoraði þriðja mark Íslands með fínum skalla eftir hornspyrnu Veigars Páls Gunnarssonar. Fimm mínútum síðar bætti Veigar Páll við fjórða markinu með stórkostlegu skoti sem varð til þess að tryggja sigurinn endanlega. Sigur íslenska liðsins var vissulega góður og sannfærandi en hins vegar má setja spurningarmerki við þá mótspyrnu sem S-Afríka reyndist vera. Áhugaleysið skein af leikmönnum þeirra og svo virðist sem að það hafi tekið einum of mikið á að ferðast frá syðsta landi veraldar til nyrstu höfuðborgarinnar. Hjá Íslandi skein leikgleðin hins vegar af leikmönnum, allir sem komu við sögu í leiknum stóðu fyrir sínu og flestir vel það. Í heildina var frammistaða Íslands afar sannfærandi og það að hún skuli hafa sigrað þjóð sem er í 38. sæti heimslistans er ekkert nema góðs viti og gefur góð fyrirheit upp á framhaldið.
Íslenski boltinn Mest lesið Töpuðu 15-0 í síðasta leik og mættu ekki til leiks í gær Íslenski boltinn Fernandes ósáttur: „Dómarinn baðst ekki afsökunar“ Enski boltinn Botna lítið í Amorim: „Hann er ein taugahrúga“ Enski boltinn Fer í aðgerð á föstudag og frá í sex til átta mánuði Íslenski boltinn Fjármagnar tennisferilinn á OnlyFans Sport „Getur ekki látið 140 milljóna punda mann í varaliðið“ Enski boltinn „Það urðu smá árekstrar en heilt yfir var þetta ótrúlega vel skipulagt“ Sport Sjáðu Grealish fara á kostum og öll mörkin í gær Enski boltinn Tilfinningaþrungin stund þegar Magnús Máni kom í mark Sport Rooney feginn að Dowman tók ekki vítið Enski boltinn Fleiri fréttir „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund Fóru af hjörunum eftir að ljósmyndari fór inn á „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Stjörnurnar samglöddust Fleetwood sem vann loks í 164. tilraun Fer í aðgerð á föstudag og frá í sex til átta mánuði „Það urðu smá árekstrar en heilt yfir var þetta ótrúlega vel skipulagt“ Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Dagskráin í dag: KR-ingar vilja slíta sig frá fallbaráttunni Fjármagnar tennisferilinn á OnlyFans Fáni stuðningsmanna Palace til rannsóknar „Hefði viljað þriðja markið“ „Við vorum skíthræddir“ Mbappé afgreiddi Real Oviedo Albert lagði upp mark Fiorentina Uppgjörið: FH - ÍBV 1-1 | Alvöru dramatík í uppbótartíma Sjáðu mark Júlíusar í Svíþjóð Uppgjörið: KA - Fram 2-0 | Sanngjarn sigur heimamanna Daníel skoraði gegn Víkingsbönum Ágúst strax kominn með titil hjá Álaborg Sætur sigur í fyrsta leik Ísaks í efstu deild Þýskalands Allt jafnt í Fulham og bæði lið bíða enn eftir fyrsta sigri María gaf tóninn í sigri eftir átta töp í röð Sjá meira