Niðrandi ummæli um móður Zidane orsök reiðikastsins?

Talið er að niðrandi ummæli um móður Zinedine Zidane, fyrirliða franska knattspyrnulandsliðsins, hafi orðið til þess að Zidane skallaði Materazzi leikmann Ítala í leik liðanna á heimsmeistaramótinu í knattspyrnu í gær. Umboðsmaður Zidane sagði í viðtalið við fréttastofu BBC að Marco Materazzi leikmaður Ítala hefði látið mjög alverleg ummæli falla við þann franska í úrslitaleik HM í gærkvöldi. Zidane var rekinn af leikvangi vegna atviksins. Umboðsmaður Zidane segist ekki vita nákvæmlega hvað það var sem Materazzi sagði en franskir fjölmiðlar segja að hann hafi látið mjög niðrandi orð falla um móður Zidane. Umboðsmaðurinn sagði að Zidane muni tjá sig um málið við fölmiðla á næstu dögum.