Arsenal undir í hálfleik

Arsenal er undir 1-0 gegn Dynamo Zagreb þegar flautað hefur verið til hálfleiks í viðureign liðanna í forkeppni meistaradeildar Evrópu. Arsenal vann fyrri leikinn 3-0 og er því enn í ágætum málum með að komast áfram í riðlakeppnina. Leikurinn er sýndur beint á Sýn.

Þá er gaman að geta þess að FC Kaupmannahöfn er á góðri leið með að slá hollenska stórliðið Ajax úr meistaradeildinni, en danska liðið er yfir 2-0 í síðari leik liðanna í Hollandi. Ajax vann fyrri leikinn 2-1.