Einn sá besti í sögu Man. Utd.

Sir Alex Ferguson sparaði ekki stóru orðin í garð Ryan Giggs eftir frammistöðu hans gegn Tottenham í gær og segir hann vera einn besta leikmann í sögu Manchester United. Giggs skoraði sigurmarkið í leiknum, var valinn leikmaður mánaðarins í úrvalsdeildinni og virðist aldrei hafa verið í betra formi.

"Hann fer í bækurnar sem einn allra best leikmaður sem þetta félag hefur alið af sér. Við vissum alltaf að hann væri góður en nú er hann orðinn mun þroskaðri," sagði Ferguson en Giggs er 33 ára gamall.