Frábærum ferli Jorge Costa lokið

Fyrrum landsliðsmaðurinn Jorge Costa frá Portúgal hefur tilkynnt að hann sé hættur knattspyrnuiðkun. Þessi 34 ára gamli Portúgali spilaði lengst af með Porto, þar sem hann vann 8 meistaratitla, 5 bikarkeppnir, Evrópukeppni félagsliða árið 2003 og Meistaradeildina árið 2004.

Costa var síðast á mála hjá Standard Liége, en fór þaðan í sumar og hefur nú ákveðið að hætta. Hann spilaði 306 leiki í efstu deld í Portúgal og skoraði þar 20 mörk, auk þess sem hann átti að baki 50 landsleiki á árunum 1992-2002.