Aron skoraði í sigri Bandaríkjanna | Myndband

Aron Jóhannsson skoraði í nótt sitt annað landsliðsmark fyrir Bandaríkin er liðið vann 2-0 sigur á Aserbaídsjan í vináttulandsleik.

Leikurinn fór fram í San Francisco og skoraði Aron síðara mark liðsins með skalla eftir hornspyrnu á 81. mínútu.

Aron kom inn á sem varamaður í síðari hálfleik en annar varamaður, Mikkel Diskerud, skoraði fyrra markið.

Þess má geta að Diskerud er uppalinn í Noregi og spilaði með yngri landsliðum þar í landi. Hann á hins vegar bandaríska móður og valdi að spila fyrir bandaríska landsliðið árið 2008. Hann leikur með Rosenborg í Noregi.

Bandaríkin leikur næst gegn Tyrklandi á sunnudag í Harrison, New Jerseey.