Buinickij afgreiddi Selfoss á tveimur mínútum

KA komst aftur á sigurbraut í 1. deild karla með 2-0 sigri á Selfossi. Arsenij Buinickij skoraði bæði mörk norðanmanna á tveggja mínútna kafla í fyrri hálfleik.

KA komst með sigrinum upp í fjórða sæti deildarinnar en liðið er með sextán stig. Sigurinn var kærkominn eftir óvænt 2-1 tap gegn Grindavík á heimavelli í síðustu umferð.

Buinickij kom til KA fyrir tímabilið frá Levadia í Eistlandi en hann hefur einnig leikið með Ekranas í Litháen. Hann hefur nú skorað fjögur deildarmörk á tímabilinu.

Selfoss er í níunda sæti 1. deildar karla með ellefu stig.

Upplýsingar um markaskorara frá úrslit.net.