Panthers fyrst í tíu sigra Eiríkur Stefán Ásgeirsson skrifar 23. nóvember 2015 09:08 Lífið er ljúft hjá Cam Newton og félögum í Carolina. Vísir/Getty Það var að venju mikið um að vera í NFL-deildinni í gær en þá fóru flestir leikirnir í 11. viku tímabilsins fram. Tvö lið eru enn ósigruð í deildinni og annað þeirra spilaði í gær. Carolina Panthers gersigraði Washington Redskins, 44-16, þar sem leikstjórnandinn Cam Newton fór á kostum og kastaði fyrir fimm snertimörkum, þar af fjórum í fyrri hálfleik. Hitt ósigraða liðið, meistararnir í New England Patriots, mæta Buffalo Bills á heimavelli í kvöld en þar mætast þjálfararnir Bill Belichick og Rex Ryan, sem hafa oft eldað saman grátt silfur. Tvö af sterkustu liðum deildarinnar mættust svo í nótt þar sem Arizona Cardinals hafði betur gegn Cincinnati Bengals á heimavelli, 34-31. Leikstjórnandinn Carson Palmer, sem var í sex ár á mála hjá Bengals, kom sparkaranum Chandler Catanzaro í kjörstöðu í blálok leiksins. Catanzaro tryggði Arizona sigur þegar tvær sekúndur voru eftir af leiknum. Bæði lið hafa unnið átta leiki á tímabilinu og tapað tveimur en þetta var hins vegar annað tap Cincinnati í röð. Liðið er með næstbesta árngur Ameríkudeildarinnar, á eftir New England, ásamt Denver Broncos sem vann nauman sigur á Chicago á útivelli í gær, 17-15.Thomas Rawls.Vísir/GettyMartin og Rawls með ótrúlegar tölur Peyton Manning, einn besti leikstjórnandi sögunnar, er fjarri góðu gamni hjá Denver vegna meiðsla en í fjarveru hans náði Brock Osweiler að leiða liðið til sigurs í sínum fyrsta byrjunarliðsleik og það á 25 ára afmælisdegi sínum. Chicago fékk tækifæri til að jafna leikinn í lokin en tveggja stiga kerfi hjá Jay Cutler klikkaði. Green Bay komst aftur á sigurbraut eftir þrjá tapleiki í röð en liðið hafði mikla yfirburði gegn erkifjendum sínum í Minnesota Vikings, 30-13. Hlauparinn Eddie Lacy, sem hefur átt slappt tímabil, komst aftur í gang og var í stóru hlutverki. Sigurinn var afar mikilvægur þar sem bæði lið eru nú jöfn með sjö sigra á toppi norðurriðli Þjóðardeildarinnar. Tveir hlauparar skiluðu ótrúlegum tölum í gær. Doug Martin hljóp samtals 235 jarda er Tampa Bay Buccaneers fór illa með Philadelphia, 45-17, og Thomas Rawls niðurlægði vörn San Francisco er hann var samtals með 255 jarda (209 hlaupajarda, 46 kastjarda) og tvö snertimörk í 29-13 sigri Seattle. Rawls var að leysa Marshawn Lynch af hólmi en Lynch er meiddur og óvíst hvenær hann snýr til baka. Þá komst Dallas Cowboys aftur á sigurbraut eftir sjö tapleiki í röð en leikstjórnandinn Tony Romo sneri þá aftur eftir meiðsli og stýrði sínum mönnum til sigurs gegn Miami, 24-14. Dallas er neðst í austurriðli Þjóðardeildarinnar með þrjá sigra en aðeins New York Giants, sem var í fríi um helgina, er efst með fimm sigra. Sá riðill er því enn galopinn enda á hvert lið sex leiki eftir.Menn óskuðu Osweiler til hamingju með afmælið í gær.Vísir/GettyAllt er fertugum fært Meðal annarra úrslita má nefna að Atlanta Falcons tapaði sínum þriðja leik í röð er liðið tapaði fyrir Indianapolis Colts, 24-21. Síðarnefnda liðið var án leikstjórnandans Andrew Luck en í fjarveru hans náði hinn fertugi Matt Hasselback að stýra sínum mönnum til sigurs. Colts og Houston Texans, sem sendi skýr skilaboð með sannfærandi sigri á New Jersey Jets, í gær eru efstu og jöfn í suðurriðli Ameríkudeildarinnar með fimm sigra hvort.Staðan í deildinni.Úrslit gærdagsins: Atlanta - Indianapolis 21-24 Baltimore - St. Louis 16-13 Carolina - Washington 44-16 Chicago - Denver 15-17 Detroit - Oakland 18-13 Houston - New Jersey 24-17 Miami - Dallas 14-24 Philadelphia - Tampa Bay 17-45 San Diego - Kansas City 3-33 Minnesota - Green Bay 13-30 Seattle - San Francisco 29-13 Arizona - Cincinnati 34-31Í nótt: New England - Buffalo NFL Mest lesið „Við erum fastir í einhverri dýflissu“ Fótbolti Íslandsmeistarasystkinin með bikara sem hafa litið betur út Körfubolti Viðar Símonarson látinn Handbolti Þvert nei við umsókn Grænlands Fótbolti Gerðu vúdúdúkku vegna reiði í garð Ísaks Fótbolti Segir ástandið í Los Angeles „ekki eðlilegt“ Fótbolti „Þetta er ólýsanleg tilfinning“ Fótbolti Mæta örmagna til leiks á HM félagsliða eftir langt og strembið tímabil Fótbolti Allt klárt og Frank verður næsti stjóri Tottenham Enski boltinn Þjálfari Þóris rekinn þrátt fyrir að bjarga liðinu Fótbolti Fleiri fréttir Orri berst við fyrirliðann um stöðu: „Góðir vinir og reynum að hjálpast að“ Viðar Símonarson látinn Íslandsmeistarasystkinin með bikara sem hafa litið betur út Þjálfari Þóris rekinn þrátt fyrir að bjarga liðinu Gerðu vúdúdúkku vegna reiði í garð Ísaks Andrea flýgur upp listann en aftur var einu höggi ofaukið Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Dagskráin í dag: A-landslið karla í fótbolta mætir Norður-Írum Mæta örmagna til leiks á HM félagsliða eftir langt og strembið tímabil Knicks horfir til Dallas í leit að næsta þjálfara „Þetta er ólýsanleg tilfinning“ ÍR og Njarðvík áfram taplaus Næstum því ótrúleg endurkoma Wales í Belgíu „Þróttarar gefa ekkert eftir, er þeim ekki alvara í þessu stríði?“ Aït-Nouri fyrstur inn um dyrnar hjá Man City Arnar rifjaði upp góða tíma með norður-írskum félögum Karlmaður lést eftir fall á úrslitaleik Þjóðadeildarinnar Segja Man United hafa sett í samband við Sporting vegna framherjans eftirsótta Endurkomusigur hjá Grindavík þrátt fyrir rautt spjald Chivu tekur við Inter ÍBV sótti sigur og sæti í undanúrslitum City að festa kaup á hinum eftirsótta Cherki Fjórtán ára með yfirburðaforskot eftir fyrstu fjögur stigamótin „Ég er glaður að Eiður Smári sé ekki hérna“ Thomas Frank að taka við Tottenham Fer frá City eftir aðeins tvo leiki en tólf titla á sex árum „Hvers vegna ætti ég að sykurhúða hlutina?“ Sjá meira
Það var að venju mikið um að vera í NFL-deildinni í gær en þá fóru flestir leikirnir í 11. viku tímabilsins fram. Tvö lið eru enn ósigruð í deildinni og annað þeirra spilaði í gær. Carolina Panthers gersigraði Washington Redskins, 44-16, þar sem leikstjórnandinn Cam Newton fór á kostum og kastaði fyrir fimm snertimörkum, þar af fjórum í fyrri hálfleik. Hitt ósigraða liðið, meistararnir í New England Patriots, mæta Buffalo Bills á heimavelli í kvöld en þar mætast þjálfararnir Bill Belichick og Rex Ryan, sem hafa oft eldað saman grátt silfur. Tvö af sterkustu liðum deildarinnar mættust svo í nótt þar sem Arizona Cardinals hafði betur gegn Cincinnati Bengals á heimavelli, 34-31. Leikstjórnandinn Carson Palmer, sem var í sex ár á mála hjá Bengals, kom sparkaranum Chandler Catanzaro í kjörstöðu í blálok leiksins. Catanzaro tryggði Arizona sigur þegar tvær sekúndur voru eftir af leiknum. Bæði lið hafa unnið átta leiki á tímabilinu og tapað tveimur en þetta var hins vegar annað tap Cincinnati í röð. Liðið er með næstbesta árngur Ameríkudeildarinnar, á eftir New England, ásamt Denver Broncos sem vann nauman sigur á Chicago á útivelli í gær, 17-15.Thomas Rawls.Vísir/GettyMartin og Rawls með ótrúlegar tölur Peyton Manning, einn besti leikstjórnandi sögunnar, er fjarri góðu gamni hjá Denver vegna meiðsla en í fjarveru hans náði Brock Osweiler að leiða liðið til sigurs í sínum fyrsta byrjunarliðsleik og það á 25 ára afmælisdegi sínum. Chicago fékk tækifæri til að jafna leikinn í lokin en tveggja stiga kerfi hjá Jay Cutler klikkaði. Green Bay komst aftur á sigurbraut eftir þrjá tapleiki í röð en liðið hafði mikla yfirburði gegn erkifjendum sínum í Minnesota Vikings, 30-13. Hlauparinn Eddie Lacy, sem hefur átt slappt tímabil, komst aftur í gang og var í stóru hlutverki. Sigurinn var afar mikilvægur þar sem bæði lið eru nú jöfn með sjö sigra á toppi norðurriðli Þjóðardeildarinnar. Tveir hlauparar skiluðu ótrúlegum tölum í gær. Doug Martin hljóp samtals 235 jarda er Tampa Bay Buccaneers fór illa með Philadelphia, 45-17, og Thomas Rawls niðurlægði vörn San Francisco er hann var samtals með 255 jarda (209 hlaupajarda, 46 kastjarda) og tvö snertimörk í 29-13 sigri Seattle. Rawls var að leysa Marshawn Lynch af hólmi en Lynch er meiddur og óvíst hvenær hann snýr til baka. Þá komst Dallas Cowboys aftur á sigurbraut eftir sjö tapleiki í röð en leikstjórnandinn Tony Romo sneri þá aftur eftir meiðsli og stýrði sínum mönnum til sigurs gegn Miami, 24-14. Dallas er neðst í austurriðli Þjóðardeildarinnar með þrjá sigra en aðeins New York Giants, sem var í fríi um helgina, er efst með fimm sigra. Sá riðill er því enn galopinn enda á hvert lið sex leiki eftir.Menn óskuðu Osweiler til hamingju með afmælið í gær.Vísir/GettyAllt er fertugum fært Meðal annarra úrslita má nefna að Atlanta Falcons tapaði sínum þriðja leik í röð er liðið tapaði fyrir Indianapolis Colts, 24-21. Síðarnefnda liðið var án leikstjórnandans Andrew Luck en í fjarveru hans náði hinn fertugi Matt Hasselback að stýra sínum mönnum til sigurs. Colts og Houston Texans, sem sendi skýr skilaboð með sannfærandi sigri á New Jersey Jets, í gær eru efstu og jöfn í suðurriðli Ameríkudeildarinnar með fimm sigra hvort.Staðan í deildinni.Úrslit gærdagsins: Atlanta - Indianapolis 21-24 Baltimore - St. Louis 16-13 Carolina - Washington 44-16 Chicago - Denver 15-17 Detroit - Oakland 18-13 Houston - New Jersey 24-17 Miami - Dallas 14-24 Philadelphia - Tampa Bay 17-45 San Diego - Kansas City 3-33 Minnesota - Green Bay 13-30 Seattle - San Francisco 29-13 Arizona - Cincinnati 34-31Í nótt: New England - Buffalo
NFL Mest lesið „Við erum fastir í einhverri dýflissu“ Fótbolti Íslandsmeistarasystkinin með bikara sem hafa litið betur út Körfubolti Viðar Símonarson látinn Handbolti Þvert nei við umsókn Grænlands Fótbolti Gerðu vúdúdúkku vegna reiði í garð Ísaks Fótbolti Segir ástandið í Los Angeles „ekki eðlilegt“ Fótbolti „Þetta er ólýsanleg tilfinning“ Fótbolti Mæta örmagna til leiks á HM félagsliða eftir langt og strembið tímabil Fótbolti Allt klárt og Frank verður næsti stjóri Tottenham Enski boltinn Þjálfari Þóris rekinn þrátt fyrir að bjarga liðinu Fótbolti Fleiri fréttir Orri berst við fyrirliðann um stöðu: „Góðir vinir og reynum að hjálpast að“ Viðar Símonarson látinn Íslandsmeistarasystkinin með bikara sem hafa litið betur út Þjálfari Þóris rekinn þrátt fyrir að bjarga liðinu Gerðu vúdúdúkku vegna reiði í garð Ísaks Andrea flýgur upp listann en aftur var einu höggi ofaukið Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Dagskráin í dag: A-landslið karla í fótbolta mætir Norður-Írum Mæta örmagna til leiks á HM félagsliða eftir langt og strembið tímabil Knicks horfir til Dallas í leit að næsta þjálfara „Þetta er ólýsanleg tilfinning“ ÍR og Njarðvík áfram taplaus Næstum því ótrúleg endurkoma Wales í Belgíu „Þróttarar gefa ekkert eftir, er þeim ekki alvara í þessu stríði?“ Aït-Nouri fyrstur inn um dyrnar hjá Man City Arnar rifjaði upp góða tíma með norður-írskum félögum Karlmaður lést eftir fall á úrslitaleik Þjóðadeildarinnar Segja Man United hafa sett í samband við Sporting vegna framherjans eftirsótta Endurkomusigur hjá Grindavík þrátt fyrir rautt spjald Chivu tekur við Inter ÍBV sótti sigur og sæti í undanúrslitum City að festa kaup á hinum eftirsótta Cherki Fjórtán ára með yfirburðaforskot eftir fyrstu fjögur stigamótin „Ég er glaður að Eiður Smári sé ekki hérna“ Thomas Frank að taka við Tottenham Fer frá City eftir aðeins tvo leiki en tólf titla á sex árum „Hvers vegna ætti ég að sykurhúða hlutina?“ Sjá meira