Sport

Sex ára krakkar hughreystu "klaufann" og fengu heimsókn að launum

Óskar Ófeigur Jónsson skrifar
Blair Walsh, sparkari NFL-liðsins Minnesota Vikings, átti mjög bágt eftir tap liðsins í úrslitakeppninni um síðustu helgi enda klúðraði hann algjöru dauðafæri þegar hann gat tryggt sínu liði sigur og sæti í næstu umferð úrslitakeppninnar.

Blair Walsh klikkaði hinsvegar á 27 jarda vallarmarki og tímabilið var búið hjá Minnesota Vikings liðinu. Leikmenn Seattle Seahawks trúðu varla heppninni enda flestir farnir að sætta sig við tap.

Það voru því ófáir í Minnesota sem og annars staðar í Bandaríkjunum sem hraunuðu yfir Blair Walsh og honum var strax líkt við sparkarann ógleymanlega úr Ace Ventura myndinni.

Sjá einnig:Sjáðu sparkið hjá Walsh

Blair Walsh tók algjörlega á sig sökina og brotnaði meðal annars niður í viðtölum eftir leikinn. Það er óhætt að segja að það var ekki gaman að vera Blair Walsh næstu dagana á eftir.

Þessi 26 ára gamli sparkari fékk hinsvegar frábæran stuðning úr óvæntri átt. Fyrstu bekkingar í Northpoint-skólanum í Blaine í Minnesota stóðu nefnilega með sínum manni.

Sjá einnig:Sparkarinn í Minnesota tekur fulla ábyrgð

Krakkarnir sendu Blair Walsh bréf og teikningar þar sem þau kepptust öll við að hughreysta kappann og Walsh þótti það vænt um þetta að hann ákvað að kíkja í heimsókn.

Bandarískir fjölmiðlar fylgdust með því þegar Blair Walsh kom i heimsókn en það má sjá frá heimsókninni hér fyrir neðan sem og brot af teikningum krakkanna.

NFL

Tengdar fréttir

Mest lesið


Fleiri fréttir

Sjá meira


×

Mest lesið