Magic vill fá Peyton til LA Rams

Íþróttagoðsagnirnar Peyton Manning og Magic Johnson voru saman í spjallþætti Jimmy Fallon í gær.

Magic hefur látið til sín taka í íþróttalífinu í Los Angeles síðan hann hætti að spila körfubolta með LA Lakers.

Í þættinum sagðist hann hafa mikinn áhuga á því að fá Peyton til LA Rams en liðið var St. Louis Rams í vetur en flytur sig nú yfir til Kaliforníu.

Magic sagðist meira að segja vera til í að taka þátt í kostnaði ef Peyton kæmi til borgarinnar.

Flestir búast við því að Manning leggi skóna á hilluna eftir sigurinn í Super Bowl um síðustu helgi.

Sjá má þá félaga í þættinum hér að ofan.