Íslenski boltinn

Uppbótartíminn: Stormsveitin gat ekki hjálpað FH | Myndbönd

Meðlimur Stormsveitar Darth Vader var mættur á Samsung-völlinn til að styðja FH en allt kom fyrir ekki.
Meðlimur Stormsveitar Darth Vader var mættur á Samsung-völlinn til að styðja FH en allt kom fyrir ekki. vísir/stefán
Fimmta umferð Pepsi-deildar karla 2016 í knattspyrnu kláraðist í gær. Hverjir áttu góðan dag og hverjir áttu erfiðan dag? Hvað segir tölfræðin og hver var umræðan á Twitter? Vísir gerir hér upp umferðina á léttum en gagnrýnum nótum.

Stjarnan er áfram á toppnum eftir 1-1 jafntefli í stórleik umferðarinnar gegn FH en FH-ingar hafa nú ekki unnið í Garðabænum í fimm ár. FH komst upp í annað sætið með stiginu en liðið er með betri markatölu en Ólsarar. Víkingar unnu sinn fyrsta sigur þegar þeir pökkuðu Eyjamönnum saman en Fylkir er áfram á botni deildarinnar þrátt fyrir að á sitt fyrsta stig.

Umfjöllun og viðtöl úr öllum sex leikjum umferðarinnar:

Valur - Þróttur 4-1

ÍBV - Víkingur 0-3

Breiðablik - KR 1-0

Stjarnan - FH 1-1

Fjölnir - Víkingur Ó. 5-1

ÍA - Fylkir 1-1

Krulli Gull sem er ekki lengur með krullur skoraði sigurmark Breiðabliks.vísir/stefán
Góð umferð fyrir ...

... Gary Martin

Loksins, loksins skoraði enski markahrókurinn sitt fyrsta mark fyrir Víking í Pepsi-deildinni. Þegar hann lét Derby Carillo, markvörð ÍBV, verja frá sér vítaspyrnu héldu nú eflaust einhverjir Víkingar að Gary myndi hreinlega ekki skora í sumar. En hann er kominn á blað auk þess sem hann lagði upp mark fyrir annan framherja sem átti eftir að skora, Viktor Jónsson. Fyrir utan markið og stoðsendinguna var Gary í heildina besti maður vallarins.

... Höskuld Gunnlaugsson

Krulli Gull hefur ekki byrjað móti af sama krafti og hann spilaði á í fyrra þegar hann skaust fram á sjónarsviðið sem ein af nýjustu stjörnum deildarinnar. Hann hefur viðurkennt að veturinn var honum erfiður enda var hausinn farinn út til Svíþjóðar í atvinnumennsku. Höskuldur missti sætið sitt í Blikaliðinu gegn Þrótti en kom sterkur inn íliðið gegn KR og skoraði sigurmarkið með skalla. Ekki krullur og inn enda Höskuldur búinn að snoða sig.

... Fjölni

Eftir að taka ekki þátt í leiknum á móti FH þiggja samt laun fyrir erfiðið komu Grafarvogsstrákarnir heldur betur sterkir til baka gegn Ólsurum. Ekki bara skoruðu þeir fimm mörk heldur voru þau alveg glæsileg. Fjölnismenn halda sér í baráttunni í efri hlutanum og svo vígðu þeir nýtt nafn á heimavöllinn sinn. Ef einhver þarf að vita eitthvað um Extra-jórturleður þá svarar Ágúst Gylfason öllum fyrirspurnum í síma milli 10.45 og korter í ellefu.

Bjarni Guðjónsson byrjar ekki vel.vísir/stefán
Erfið umferð fyrir ...

... Bjarna Guðjónsson

Það verður seint sagt að KR byrji mótið af sama krafti og búist var við eftir að það kom á fljúgandi siglinu eftir frábæran lokasprett á vormótunum. Áttunda sæti, fjögur mörk skoruð og sex stig, fimm stigum frá toppnum. Þetta eru erfiðir dagar fyrir Bjarna og ekki hjálpar til að framherjar liðsins skora sama og ekki neitt líkt og seinni hluta móts í fyrra þegar þeir gátu ekki keypt sér mark. Hólmbert enn markalaus. Vesen í vesturbænum.

... Gregg Ryder

Enski þjálfarinn hefur upplifað miklar sveiflur hjá sínu liði og eflaust í skapinu á fyrstu vikum Íslandsmótsins. Þrír þokkalegir rassskellir en svo hirt fjögur stig af KR og Breiðabliki. Svo virtist sem Ryder væri með öll svörin við leik Vals í viðtalinu eftir leik en inn á vellinum voru leikmennirnir í bullinu. Ryder þarf að passa að holan sem Þróttarar grafa sér í leikjum verði ekki alltaf svona djúp.

... Eyjamenn

Eyjamenn hafa byrjað mótið ágætlega en samt nokkuð furðulega; unnið góða sigra en svo tapað leikjum sannfærandi eins og gegn Víkingi á heimavelli. Víkingar voru með lítið sjálfstraust og án sigurs þegar þeir mættu til Eyja en voru miklu betri sem er áhyggjuefni fyrir Bjarna Jóhannsson. ÍBV hefur ekki fengið mörg stig á útivelli undanfarin ár þannig svona skellur er ekki í boði á heimavelli.

Ólafur Páll Snorrason eltir Kenan Turudija í leik Fjölnis og Ólafsvíkur.vísir/vilhelm
Tölfræðin og sagan:

*Skagamenn hafa aðeins tapað einu sinni í síðustu 10 heimaleikjum sínum í Pepsi-deildinni (5 sigrar, 4 jafntefli, 1 tap).

*Jose Sito hjá Fylki, hefur hvorki skorað sjálfur né gefið stoðsendingu á síðustu 615 mínútunum sem hann hefur spilað í Pepsi-deildinni.

*Síðan Pepsi-deildin varð að tólf liða deild 2008 hefur aðeins eitt lið skorað færri mörk í fyrstu fimm leikjunum en Fylkir í sumar (1 mark - Breiðablik 2012).

*Markatala Eyjamanna í Pepsi-deildinni í sumar þegar þeir komast í 1-0 í leikjum sínum er +7 (8-1) en -5 þegar þeir lenda 1-0  

*Róbert Örn Óskarsson er búinn að halda Víkingsmarkinu oftar hreinu í fyrstu fimm leikjunum í Pepsi-deildinni í sumar (2) en  

hann hélt FH-markinu hreinu í fyrstu fimm umferðunum í fyrra (1).

*Gary Martin er búinn að skora 5 mörk í síðustu 4 leikjum sínum á móti ÍBV í Pepsi-deildinni.

*Guðjón Pétur Lýðsson hefur skorað þrjú mörk með skotum fyrir utan teig í Pepsi-deildinni í sumar.

*Síðan Pepsi-deildin varð að 12 liða deild 2008 hefur bara eitt lið fengið á sig fleiri mörk í fyrstu fimm leikjunum en Þróttur  

í sumar (15 mörk) en það er Grindavíkurliðið 2012 (16 mörk).

*Fjölnir skoraði fleiri mörk í 5. umferðinni (5) en í hinum fjórum umferðunum til samans (4).

*Fjölnisliðið hefur unnið 6 af 7 heimaleikjum sínum í Pepsi-deildinni með Daniel Ivanovski í vörninni, fengið 19 af 21 stigi í  

boði og aðeins fengið á sig tvö mörk.

*Hrvoje Tokic (5 mörk) er búinn að skora meira en allt KR-liðið til samans (4 mörk) í fyrstu fimm umferðunum.

*KR hefur ekki skorað færri mörk í fyrstu fimm umferðunum í fimmtán ár eða síðan liðið skoraði líka 4 mörk í fyrstu 5 leikjunum  

2001.

*Markatala KR í fyrri hálfleik er -2 (1-3) en ekkert lið hefur skorað færri mörk í fyrri hálfleik í Pepsi-deildinni.

*KR og Fylkir eru einu liðin í Pepsi-deildinni sem hafa ekki verið yfir í hálfleik í Pepsi-deildinni í sumar.

*FH hefur ekki unnið lið í öðru af tveimur efstu sætum Pepsi-deildarinnar síðan 25. september 2011.

*FH-liðið væri með fjögurra stiga forystu á toppnum (13 stig) ef að leikirnir í fyrstu fimm umferðunum hefðu verið flautaðir af í hálfleik.

*FH hefur ekki unnið á Samsung vellinum í Pepsi-deildinni síðan 16. september 2010 (2 Stjörnusigrar, 4 jafntefli).

FH hefur ekki unnið á Samsung vellinum í Pepsi-deildinni síðan 16. september 2010 (2 Stjörnusigrar, 4 jafntefli).

Kassim Doumbia og félagar fengu eitt stig í Garðabænum.vísir/stefán
Skemmtilegir punktar úr Boltavaktinni:

Tómas Þór Þórðarson á Samsung-vellinum:

„Gunnar Nielsen mætir fyrstur til upphitunar og Silfurskeiðin byrjar strax að hrópa: "Júdas, júdas, júdas." Færeyingurinn tekur þessu vel og vinkar upp í stúku. Gunnar spilaði auðvitað með Stjörnunni á síðustu leiktíð en fór svo í FH í vetur.

Eiríkur Stefán Ásgeirsson á Norðurálsvellinum:

„Styttist í þetta og liðin fara að ganga út á völl. Sigrún Ríkharðs er líka að koma sér fyrir [koma svo Skagamenn]. Hún er ómissandi.“

Smári Jökull Jónsson á Extra-vellinum:

„Það var verið að tilkynna hér á vellinum að Fjölnir og Innnes voru að gera með sér samstarfssamning. Fjölnisvöllurinn mun hér eftir heita Extra-völlurinn og væntanlega verður boðið upp á tyggjó í samræmi við það.“

Hæstu og lægstu einkunnir umferðarinnar:

Ármann Smári Björnsson, ÍA - 8

Oddur Ingi Guðmundsson, ÍA - 8

Gary Martin, Víkingur - 8

Arnþór Ingi Kristinsson, Víkingur - 8

Nikolaj Hansen, Valur - 8

Viðar Ari Jónsson, Fjölni - 8

Guðmundur Karl Guðmundsson, Fjölni - 8

Damir Muminovic, Breiðabliki - 8

Oliver Sigurjónsson, Breiðabliki - 8

Þórarinn Ingi Valdimarsson, FH - 8

Grétar Sigfinnur Sigurðarson, Stjörnunnni - 8

Hólmbert Aron Friðjónsson, KR - 3

Derby Carillo, ÍBV - 2

Sigurður Grétar Benónýsson, ÍBV - 3

Aron Bjarnason, ÍBV - 3

Hilmar Ástþórsson, Þrótti - 3

Viktor Unnar Illugason, Þrótti - 3

Dion Acoff, Þrótti - 3

Emir Dokara, Víkingi Ó. - 3

Tomasz Luba, Víkingi Ó. - 3

Aleix Egea, Víkingi Ó. - 3

Þórhallur Kári Knútsson, Víkingi Ó. - 3

Umræðan á #pepsi365

Mark 5. umferðar - Viðar Ari Jónsson Leikmaður 5. umferðar - Viðar Ari Jónsson Markasyrpa 5. umferðar
Pepsi Max-deild karla

Mest lesið


Fleiri fréttir

Sjá meira


×

Mest lesið