Raðnauðgari dæmdur í átján ára fangelsi

Fyrrum NFL-stjarnan Darren Sharper mun verja næstu árum lífs síns bak við lás og slá eftir að hafa verið fundinn sekur um að nauðga fjölda kvenna.

Sharper var sakaður um að hafa byrlað sextán konum í fjórum fylkjum lyf og síðan nauðgað þeim.

Málið hefur verið lengi í kerfinu en loksins er komin niðurstaða. 18 ára fangelsi þótti hæfilega refsing.

Á ferli sínum í NFL-deildinni lék Sharper meðal annars með Green Bay Packers og Minnesota Vikings. Hann var fimm sinnum valinn í stjörnulið deildarinnar.

Hann spilaði tvisvar í Super Bowl. Fyrst með Green Bay Packers og svo með New Orleans Saints er liðið varð meistari árið 2010.

Sharper lagði svo skóna á hilluna árið 2011. Þá hóf hann störf í sjónvarpi. Í kjölfarið fóru að berast ásakanir frá konum sem sögðu hann hafa beitt sig ofbeldi.