Gleymdi sér í fagninu og hoppaði ofan í gryfju | Myndband

Brasilíski framherjinn Anderson Lopes átti eftirminnilega helgi er hann spilaði sinn fyrsta leik fyrir japanska liðið Hokkaido Consadole Sapporo.

Lopes gerði sér lítið fyrir og skoraði fjögur mörk í síðari hálfleik í 5-2 sigri sinna manna. Fagnið eftir síðasta markið fór mjög illa eins og sjá má hér að neðan.

札幌ドームの構造を知らず3mのゴール裏に落下していくアンデルソンロペス pic.twitter.com/3ajeBk9ygk

— 荒田克樹 (@katsuki1227) March 9, 2019

Lopes ákvað að hoppa í átt til áhorfenda og þar með yfir auglýsingaskilti. Hann var augljóslega ekki búinn að skoða nýja heimavöllinn nægilega vel því þá hefði hann vitað af því að hans biði þriggja metra fall eftir hoppið.

Betur fór en á horfðist en Lopes varð að fara af velli skömmu eftir hoppið stóra.