Kvöldfréttir Stöðvar 2

Félagsmálayfirvöld í Svíþjóð hafa tekið ungabarn af íslenskri konu. Landréttur dæmdi hana í 15 mánaða fangelsi í fyrra fyrir ofbeldi gegn fimm börnum sínum á Íslandi. Sænsk félagsmálayfirvöld fengu þýddan dóm yfir konunni sendan. Fjallað verður um málið í kvöldfréttum Stöðvar 2.

Einnig verður sagt frá því að algengt sé að útlendingar komi hingað til lands, gagngert til að selja fíkniefni og nýti níutíu daga dvalarrétt sinn til þess.

Fjallað verður um átökin í Sýrlandi og hvirfilbyl í Japan. Einnig verður rætt við Baltasar Kormák um stærstu fjárfestingu sem orðið hefur í íslenskri kvikmyndagerð.

Þetta og margt fleira í kvöldfréttum á samtengdum rásum Stöðvar 2, Bylgjunnar og á Vísi kl. 18:30