Kvöldfréttir Stöðvar 2

Það að dvalarleyfi innflytjendakvenna á Íslandi sé bundið við maka eða vinnuveitanda er í mörgum tilvikum uppspretta andlegs eða líkamlegs ofbeldis. Erlendar konur sem eiga íslenskan maka eru oft í verstu aðstæðunum, en nánar verður fjallað um þetta í fréttum Stöðvar 2 klukkan hálf sjö.

Þar kynnum við okkur líka sjónarmið hóps sem telur landfyllingu á Laugarnestanga fara gegn verndaráætlun um svæðið og verðum í beinni útsendingu með spenntum grunnskólanemum sem keppa til úrslita í hæfileikakeppninni Skrekk í kvöld.

Loks hittum við listakonu sem hreiðrað hefur um sig í gömlu síldarbræðslunni á Hjalteyri. Hún nýtir það sem aðrir henda og nýtir raunar allt- þar með talið ömmu sína!

Þetta og margt fleira í fréttum Stöðvar tvö klukkan 18.30.