„Lið eru að undirbúa sig undir færslu kvennaboltans nær karla umhverfinu“ Runólfur Trausti Þórhallsson skrifar 23. janúar 2021 09:01 Sveindís Jane Jónsdóttir, Karólína Lea Vilhjálmsdóttir, Guðný Árnadóttir og Hlín Eiríksdóttir eru meðal þeirra landsliðskvenna sem hafa haldið erlendis í atvinnumennsku á undanförnum vikum. Vísir/Vilhelm/Bára Mikil eftirspurn er eftir ungum íslenskum landsliðskonum í knattspyrnu þessa dagana og fjöldi þeirra haldið í atvinnumennsku nýverið. Daði Rafnsson, yfirmaður knattspyrnuþróunar hjá HK, segir atvinnumennsku kvenna vera að breytast og færast nær því sem þekksit karla megin. Mikill uppgangur er í kvennaknattspyrnu um gervalla Evrópu þessa dagana. Hin ýmsu lið virðast vera byggja upp til framtíðar og sést það best á þeim gífurlega áhuga erlendis frá á ungum knattspyrnukonum frá Íslandi. Sveindís Jane Jónsdóttir, Alexandra Jóhannsdóttir, Karólína Lea Vilhjálmsdóttir, Andrea Rán Snæfeld Hauksdóttir, Guðný Árnadóttir, Hlín Eiríksdóttir, Berglind Rós Ágústsdóttir og Barbára Sól Gísladóttir eru allt dæmi um unga íslenska leikmenn sem hafa haldið í atvinnumennsku á undanförnum vikum. Sú síðastnefnda fór þó aðeins á láni. Þá hafa eldri leikmenn á borð við Hallberu Guðnýju Gísladóttur, Berglindi Björgu Þorvaldsdóttur, Önnu Björk Kristjánsdóttur og Örnu Sif Ásgrímsdóttur einnig haldið út síðan síðasta tímabil hófst hér heima. Daði Rafnsson var ráðinn yfirmaður knattspyrnuþróunnar hjá HK seint á síðasta ári.HK Ástæðan er einfaldlega sú að lið erlendis eru að undirbúa sig undir að kvennafótboltinn færist nær umhverfinu sem þekkist karla megin. Svo segir Daði í þræði sem hann birti á Twitter-síðu sinni í gær. Daði hefur starfað sem knattspyrnuþjálfari frá árinu 2002 og fór meðal annars með Sigurði Ragnar Eyjólfssyni til Kína í ársbyrjun 2017 og starfaði þar í tæpt ár. „Síðastliðið ár sáu stórlið vaxtamöguleikana hjá konum. Árið 2014 var ég Dortmund og stjórnendur ypptu öxlum, „warum frauen?“ Á okkar ástkæra ylhýra mætti þýða „warum frauen“ myndi þýðast sem „af hverju konur.“ Daði hélt svo áfram. „Í Mönchengladbach var eigandinn hins farinn að skipa fyrir að hann vildi sjá ungar konur geta speglað sig í félagslitunum. Dortmund mun hefja keppni í haust.“ Oft drifið áfram af aukinni samfélagslegri meðvitund „Hvati liðanna er tvíþættur, tekjumöguleikar með því að bæta helming mannkyns í viðskiptamannahópinn sem kaupir treyjur, áskriftir og fleira. En hann er einnig í mörgum tilvikum drifinn áfram af aukinni samfélagslegri meðvitund.“ „Borussia Dortmund, Barcelona, Real Madrid og Manchester United segjast vera mikilvægar stofnanir í samfélagi sínu. Margir innan félaganna hafa bent á að það sé ómögulegt án þess að vera með kvennalið og drifið áfram breytingar.“ Lyon er fyrirmyndin „Fyrirmyndin er Lyon. [Jean-Michel] Aulas, forseti félagsins hefur uppskorið ekki bara í titlum heldur jákvæðum áhrif á allt félagið. Hann spáir því töluverðri aukningu á tekjum inn í kvennaboltann þennan áratuginn og telur fjárfestinguna góða.“ „Á Íslandi setja til dæmis Valur og Breiðablik yfirlýstan metnað í kvennastarfið sem hefur jákvæð áhrif á alla umgjörð félagsins. Þau og fleiri eru nú farin að byggja módel á að selja og lána leikmenn sína erlendis.“ Af hverju eru íslenskir leikmenn samt að fara í stórlið erlendis? „Þær sem eru að leiða bylgjuna núna voru 8 til 14 ára gamlar þegar landsliðið fór á EM 2009. Sýnilegar fyrirmyndir og aukinn áhugi gaf þeim vítamínssprautu. Meiri áhugi félaganna, þjálfara og foreldra ýtti enn frekar undir. Sara Björk Gunnarsdóttir hefur haft gríðarlega jákvæð áhrif á ímynd íslenskra knattspyrnukvenna og rutt brautina meira en fólk áttar sig á.“ Sara Björk Gunnarsdóttir gekk til liðs við Lyon síðasta sumar og varð í kjölfarið Evrópumeistari með félaginu. Lyon er langstærsta kvennalið Evrópu en nú loksins virðast önnur stórlið Evrópu vera að ranka við sér.VÍSIR/GETTY Þá hrósar Daði íslenska uppeldiskerfinu og segir það í heimsklassa. „Við vanmetum það rosalega og þetta eru mjög efnilegir leikmenn. Í boði eru ekki miklar upphæðir í samanburði við karlaboltann. Enn eru stór svæði sem gefa af sér frábæra leikmenn karla megin vanþróuð.“ Undir lokin nefnir Daði að umboðsmennska og hvernig leikmenn eru skoðaðir (e. scouting) sé að mestu í óreiðu í kvennaboltanum. „Það munu mörg glerþök liggja í valnum eftir tíu ár. Þetta er rétt að byrja,“ sagði Daði Rafnsson að lokum um framtíð kvennafótboltans á Twitter-síðu sinni. Warum frauen? Af hverju eru svona margar íslenskar knattspyrnukonur að semja erlendis? Af því að atvinnumennskan er að breytast. Lið eru að undirbúa sig undir færslu kv.boltans nær karla umhverfinu. /Þráður— Daði Rafnsson (@dadirafnsson) January 22, 2021 Fótbolti Íslenski boltinn Jafnréttismál Mest lesið Eitt vandræðalegasta kvöldið í sögu Manchester United Enski boltinn Uppgjörið: Breiðablik - Athlone Town 3-1 | Tvö mörk á tveimur mínútum og Blikar unnu Fótbolti Isak gæti spilað fyrsta leikinn sinn á tímabilinu Enski boltinn Gætt af Interpol og sagt að fela fána fyrir leikinn við Ísland Körfubolti Ástin sögð ástæða þess að Sancho vilji ekki Roma Fótbolti Svona var EM-Pallborðið Körfubolti EM í dag: Ætli Katowice sé enn versta borg í heimi og leðurjakki í hitabylgju Körfubolti Tveir nýliðar í landsliðshópnum Fótbolti Arnar kynnti fyrsta hópinn í undankeppni HM Fótbolti Segir Daníel ekki líkan pabba sem leikmanni en hafi Guðjohnsen-svægið Fótbolti Fleiri fréttir „Ég er ekki Hitler“ United banarnir drógust á móti Leeds bönunum Eitt vandræðalegasta kvöldið í sögu Manchester United Uppgjörið: Valur - Braga 1-3 | Valskonur töpuðu og mæta Ceciliu Rán og Karólínu Leu Amanda og félagar mæta Blikum Freyr stýrði Brann inn í riðlakeppni Evrópudeildarinnar með stæl Davíð Snær lagði upp mark í bikarsigri Isak gæti spilað fyrsta leikinn sinn á tímabilinu Diljá og Karólína skoruðu báðar Ísabella Sara lagði upp í Meistaradeild Evrópu Segir Daníel ekki líkan pabba sem leikmanni en hafi Guðjohnsen-svægið Uppgjörið: Breiðablik - Athlone Town 3-1 | Tvö mörk á tveimur mínútum og Blikar unnu Tveir nýliðar í landsliðshópnum Arnar kynnti fyrsta hópinn í undankeppni HM Albert bjartsýnn á að Eze sé lokapúslið: „Komin þvílík breidd í þetta“ Ástin sögð ástæða þess að Sancho vilji ekki Roma „Hefur komið með stál og styrk og þekkingu inn í varnarleik Stjörnunnar“ „Ekkert auðvelt fyrir þann sem fer í hans skó“ Reiddist eigin aðdáendum en baðst svo afsökunar Sjáðu draumamark Tryggva, erfitt víti í rokinu og Valdimar leiða Víking til sigurs Rio grínaðist með söngva Liverpool fólksins Hæsti fótboltamaður í heimi Má ekki skipta um föt í búningsklefa Arsenal en má spila með liðinu Stjóri Ísaks Bergmanns vakti athygli fyrir klæðaburð sinn „Það er bæjarhátíð í Mosó um helgina og þú ert velkominn“ „Ætli þetta hafi ekki verið leikur tveggja hálfleika“ Hákon Rafn hélt hreinu þegar Brentford fór áfram en þrjú Íslendingalið úr leik Uppgjörið: Víkingur - Vestri 4-1 | Víkingar fóru illa með nýkrýnda bikarmeistara Celtic tapaði í vítakeppni í Kasakstan Gordon bað bæði liðsfélagana og Van Dijk afsökunar Sjá meira
Mikill uppgangur er í kvennaknattspyrnu um gervalla Evrópu þessa dagana. Hin ýmsu lið virðast vera byggja upp til framtíðar og sést það best á þeim gífurlega áhuga erlendis frá á ungum knattspyrnukonum frá Íslandi. Sveindís Jane Jónsdóttir, Alexandra Jóhannsdóttir, Karólína Lea Vilhjálmsdóttir, Andrea Rán Snæfeld Hauksdóttir, Guðný Árnadóttir, Hlín Eiríksdóttir, Berglind Rós Ágústsdóttir og Barbára Sól Gísladóttir eru allt dæmi um unga íslenska leikmenn sem hafa haldið í atvinnumennsku á undanförnum vikum. Sú síðastnefnda fór þó aðeins á láni. Þá hafa eldri leikmenn á borð við Hallberu Guðnýju Gísladóttur, Berglindi Björgu Þorvaldsdóttur, Önnu Björk Kristjánsdóttur og Örnu Sif Ásgrímsdóttur einnig haldið út síðan síðasta tímabil hófst hér heima. Daði Rafnsson var ráðinn yfirmaður knattspyrnuþróunnar hjá HK seint á síðasta ári.HK Ástæðan er einfaldlega sú að lið erlendis eru að undirbúa sig undir að kvennafótboltinn færist nær umhverfinu sem þekkist karla megin. Svo segir Daði í þræði sem hann birti á Twitter-síðu sinni í gær. Daði hefur starfað sem knattspyrnuþjálfari frá árinu 2002 og fór meðal annars með Sigurði Ragnar Eyjólfssyni til Kína í ársbyrjun 2017 og starfaði þar í tæpt ár. „Síðastliðið ár sáu stórlið vaxtamöguleikana hjá konum. Árið 2014 var ég Dortmund og stjórnendur ypptu öxlum, „warum frauen?“ Á okkar ástkæra ylhýra mætti þýða „warum frauen“ myndi þýðast sem „af hverju konur.“ Daði hélt svo áfram. „Í Mönchengladbach var eigandinn hins farinn að skipa fyrir að hann vildi sjá ungar konur geta speglað sig í félagslitunum. Dortmund mun hefja keppni í haust.“ Oft drifið áfram af aukinni samfélagslegri meðvitund „Hvati liðanna er tvíþættur, tekjumöguleikar með því að bæta helming mannkyns í viðskiptamannahópinn sem kaupir treyjur, áskriftir og fleira. En hann er einnig í mörgum tilvikum drifinn áfram af aukinni samfélagslegri meðvitund.“ „Borussia Dortmund, Barcelona, Real Madrid og Manchester United segjast vera mikilvægar stofnanir í samfélagi sínu. Margir innan félaganna hafa bent á að það sé ómögulegt án þess að vera með kvennalið og drifið áfram breytingar.“ Lyon er fyrirmyndin „Fyrirmyndin er Lyon. [Jean-Michel] Aulas, forseti félagsins hefur uppskorið ekki bara í titlum heldur jákvæðum áhrif á allt félagið. Hann spáir því töluverðri aukningu á tekjum inn í kvennaboltann þennan áratuginn og telur fjárfestinguna góða.“ „Á Íslandi setja til dæmis Valur og Breiðablik yfirlýstan metnað í kvennastarfið sem hefur jákvæð áhrif á alla umgjörð félagsins. Þau og fleiri eru nú farin að byggja módel á að selja og lána leikmenn sína erlendis.“ Af hverju eru íslenskir leikmenn samt að fara í stórlið erlendis? „Þær sem eru að leiða bylgjuna núna voru 8 til 14 ára gamlar þegar landsliðið fór á EM 2009. Sýnilegar fyrirmyndir og aukinn áhugi gaf þeim vítamínssprautu. Meiri áhugi félaganna, þjálfara og foreldra ýtti enn frekar undir. Sara Björk Gunnarsdóttir hefur haft gríðarlega jákvæð áhrif á ímynd íslenskra knattspyrnukvenna og rutt brautina meira en fólk áttar sig á.“ Sara Björk Gunnarsdóttir gekk til liðs við Lyon síðasta sumar og varð í kjölfarið Evrópumeistari með félaginu. Lyon er langstærsta kvennalið Evrópu en nú loksins virðast önnur stórlið Evrópu vera að ranka við sér.VÍSIR/GETTY Þá hrósar Daði íslenska uppeldiskerfinu og segir það í heimsklassa. „Við vanmetum það rosalega og þetta eru mjög efnilegir leikmenn. Í boði eru ekki miklar upphæðir í samanburði við karlaboltann. Enn eru stór svæði sem gefa af sér frábæra leikmenn karla megin vanþróuð.“ Undir lokin nefnir Daði að umboðsmennska og hvernig leikmenn eru skoðaðir (e. scouting) sé að mestu í óreiðu í kvennaboltanum. „Það munu mörg glerþök liggja í valnum eftir tíu ár. Þetta er rétt að byrja,“ sagði Daði Rafnsson að lokum um framtíð kvennafótboltans á Twitter-síðu sinni. Warum frauen? Af hverju eru svona margar íslenskar knattspyrnukonur að semja erlendis? Af því að atvinnumennskan er að breytast. Lið eru að undirbúa sig undir færslu kv.boltans nær karla umhverfinu. /Þráður— Daði Rafnsson (@dadirafnsson) January 22, 2021
Fótbolti Íslenski boltinn Jafnréttismál Mest lesið Eitt vandræðalegasta kvöldið í sögu Manchester United Enski boltinn Uppgjörið: Breiðablik - Athlone Town 3-1 | Tvö mörk á tveimur mínútum og Blikar unnu Fótbolti Isak gæti spilað fyrsta leikinn sinn á tímabilinu Enski boltinn Gætt af Interpol og sagt að fela fána fyrir leikinn við Ísland Körfubolti Ástin sögð ástæða þess að Sancho vilji ekki Roma Fótbolti Svona var EM-Pallborðið Körfubolti EM í dag: Ætli Katowice sé enn versta borg í heimi og leðurjakki í hitabylgju Körfubolti Tveir nýliðar í landsliðshópnum Fótbolti Arnar kynnti fyrsta hópinn í undankeppni HM Fótbolti Segir Daníel ekki líkan pabba sem leikmanni en hafi Guðjohnsen-svægið Fótbolti Fleiri fréttir „Ég er ekki Hitler“ United banarnir drógust á móti Leeds bönunum Eitt vandræðalegasta kvöldið í sögu Manchester United Uppgjörið: Valur - Braga 1-3 | Valskonur töpuðu og mæta Ceciliu Rán og Karólínu Leu Amanda og félagar mæta Blikum Freyr stýrði Brann inn í riðlakeppni Evrópudeildarinnar með stæl Davíð Snær lagði upp mark í bikarsigri Isak gæti spilað fyrsta leikinn sinn á tímabilinu Diljá og Karólína skoruðu báðar Ísabella Sara lagði upp í Meistaradeild Evrópu Segir Daníel ekki líkan pabba sem leikmanni en hafi Guðjohnsen-svægið Uppgjörið: Breiðablik - Athlone Town 3-1 | Tvö mörk á tveimur mínútum og Blikar unnu Tveir nýliðar í landsliðshópnum Arnar kynnti fyrsta hópinn í undankeppni HM Albert bjartsýnn á að Eze sé lokapúslið: „Komin þvílík breidd í þetta“ Ástin sögð ástæða þess að Sancho vilji ekki Roma „Hefur komið með stál og styrk og þekkingu inn í varnarleik Stjörnunnar“ „Ekkert auðvelt fyrir þann sem fer í hans skó“ Reiddist eigin aðdáendum en baðst svo afsökunar Sjáðu draumamark Tryggva, erfitt víti í rokinu og Valdimar leiða Víking til sigurs Rio grínaðist með söngva Liverpool fólksins Hæsti fótboltamaður í heimi Má ekki skipta um föt í búningsklefa Arsenal en má spila með liðinu Stjóri Ísaks Bergmanns vakti athygli fyrir klæðaburð sinn „Það er bæjarhátíð í Mosó um helgina og þú ert velkominn“ „Ætli þetta hafi ekki verið leikur tveggja hálfleika“ Hákon Rafn hélt hreinu þegar Brentford fór áfram en þrjú Íslendingalið úr leik Uppgjörið: Víkingur - Vestri 4-1 | Víkingar fóru illa með nýkrýnda bikarmeistara Celtic tapaði í vítakeppni í Kasakstan Gordon bað bæði liðsfélagana og Van Dijk afsökunar Sjá meira