Þjóðin klofin vegna Instagram-færslu en Gísli er efstur á blaði hjá Katrínu Snorri Másson skrifar 23. nóvember 2021 23:00 Fortuna Invest, fræðsluvettvangur um fjárfestingar, birti umdeilda mynd á Instagram. Katrín Jakobsdóttir forsætisráðherra innleiddi fjármálalæsi í námsskrá, en segir Gísla sögu samt ofar á blaði hjá sér. Vísir Hvort er mikilvægara í menntun hvers manns, fjármálalæsi eða Gísla saga Súrssonar? Þetta er alls ekki á hreinu, og þegar frumkvöðlarnir hjá Fortuna Invest veltu þessu álitamáli upp á Instagram-síðu sinni um helgina sprakk það í loft upp á samfélagsmiðlum. Málið er að þetta þarf ekki að vera annaðhvort eða, segja aðstandendur samstarfsverkefnisins. Í fréttinni hér að neðan er skimað yfir Twitter, rætt við allt frá konunum á bakvið Fortuna Invest og til forsætisráðherra - og sömuleiðis gluggað í Gísla sögu: Einhver misskilningur á ferð Fortuna Invest hefur um tíma farið nýstárlegar leiðir við að fræða almenning um fjárfestingar og fjármál. Vinsældirnar láta ekki á sér standa og fylgjendur þeirra á Instagram hlaupa á öðrum tug þúsunda. Fortuna Invest: Kristín Hildur Ragnarsdóttir, Rósa Kristinsdóttir og Aníta Rut Hilmarsdóttir.Fortuna Invest Alls kyns fróðleiksmólar eru birtir á síðu Fortuna Invest. Þegar molinn um Gísla Súrsson var birtur fyrir tveimur dögum bjuggust höfundarnir síst við því að það myndi leysa úr læðingi flóðbylgju á samfélagsmiðlum. Á myndinni segir: Ég í skóla: Hvernig tek ég lán? Skólinn: Höldum áfram með Gísla Sögu Súrssonar. „Ég veit ekki hvort margir hafi misskilið þetta þanig að við vildum láta leggja niður Gísla sögu Súrssonar sem er svo sannarlega ekki raunin. En það er ákall eftir því að við fáum betri fjármálafræðslu, hvort sem það er í grunnskóla, menntaskóla eða þess vegna háskóla,“ segir Aníta Rut Hilmarsdóttir hjá Fortuna Invest. View this post on Instagram A post shared by FORTUNA INVEST (@fortunainvest_) Katrín Jakobsdóttir: „Þú ert að tala við íslenskufræðing“ Framsetningin vakti slík viðbrögð að það hefur vart verið hægt að opna Twitter fyrir skopstælingum á myndinni eða umræðum um Gísla Súrsson (hver hefði haldið). Fréttastofa gekk svo langt að spyrja forsætisráðherra út í málið í dag, sem sagði: „Ég held að það sé rými í skólakerfinu til að gera hvort tveggja og Gísla saga kennir okkur alveg gríðarlega mikið um mannlegt eðli. Það getur heldur betur nýst manni í manns persónulegu fjármálum en það er líka mikilvægt að kunna að taka lán.“ En ef við þyrftum að taka annað út? „Ja, þú ert að tala við íslenskufræðing þannig að Gísla saga verður alltaf efst á blaði hjá mér.“ Vá. Inspo. pic.twitter.com/pLUy58WfMa— Grétar Þór (@gretarsigurds) November 22, 2021 pic.twitter.com/lnEInjWk3N— atli (@atliatliatli) November 22, 2021 Á þriðja þúsund manns hafa lækað upphaflegu færsluna þegar þetta er skrifað og tugir deilt henni: „Þannig að það virðist vera sem margir séu sammála okkur þarna," segir Rósa Kristinsdóttir, sem bætir við: „Svo eru auðvitað einhverjir sem eru mjög ósammála og þá eru þeir líka með skoðun.“ Vill svo til að út er komin bók sem sannarlega er ætlað að efla fjármælalæsi fólks, ólíkt Gísla sögu. Hún heitir Fjárfestingar og höfundurinn er Fortuna Invest. Jólalesturinn er þannig sú bók í hæfilegu blandi við Gísla sögu, segja Rósa og Aníta. Gísla saga Súrssonar er saga vestfirsku hetjunnar Gísla í útlegðinni, eftir að hann flækist í langvinnar deilur. Sagan er hátt skrifuð í flokki Íslendingasagna og hefur verið kennd grunnskólabörnum áratugum saman. Hún er enda öllu auðmeltari en til dæmis Njála og Egils saga, en gefur þeim meistaraverkum þó lítið eftir. Þegar flett er í gegnum Gísla sögu vill svo til að þar er sitthvað að finna um fjármál. „Saman er bræðra eign best að líta og sjá“ segir á einum stað, sem er ágæt ráðgjöf um mikilvægi fjármálalegrar samheldni innan fjölskyldna. Á öðrum stað segir „fé er best eftir feigan“. Ekki er með öllu ljóst hvað er átt við með því, en það eru vafalaust orð í tíma töluð. Meanwhile í höfuðstöðvum fortuna invest.CEO: Höldum áfram með Gisla Sögu Súrssonar, Bára, vilt þú lesa fyrir okkur?Bára: Jájá. “Nú líða misserin af hendi og kemur að fardögum. Þá heimtir Þorkell Gísla bróður sinn á tal við sig og mælti: "Svo er háttað, frændi," segir hann.”— Óli (@8lafur) November 23, 2021 Shit. Byrjaðu á að halda kjafti pic.twitter.com/nO3nE4SkSg— Hörður Ágústsson (@horduragustsson) November 23, 2021 Ég í skóla: hvernig tek ég mörg smálán til að setja í shitcoins?Skólinn: höldum áfram með Gíslasögu Súrssonar— Siffi (@SiffiG) November 22, 2021 Er þetta ekki bara eins og Homeblest? Bjarni Benediktsson fjármálaráðherra neitar að gera upp á milli fjármálalæsis og Gísla sögu Súrssonar: „Fyrir okkur Íslendinga er það að þekkja okkar sögu og rækta okkar menningu í landinu sé gríðarlega mikilvægt. Á sama tíma er fjármálalæsi og allt sem snýr að því að geta borið ábyrgð á sjálfum sér og sínum persónulegu fjármálum líka mikilvægt. Þannig að þetta er ekki annaðhvort eða spurning.“ Sigurður Ingi Jóhannsson samgönguráðherra: „Er ekki bara eins og Homeblest?“ segir hann. „Gott báðum megin.“ „Það er að segja, það er nauðsynlegt að kenna hvoru tveggja, annars vegar sögu en auðvitað er mjög mikilvægt að kenna fjármálalæsi. Ég man nú reyndar ekki eftir neinum slíkum tíma í minni skólagöngu, sem var nú býsna löng,“ segir Sigurður Ingi. pic.twitter.com/SNkLQZWKIx— Björg (@BjorgSteinunn) November 22, 2021 pic.twitter.com/FdFkNOpvV5— Bjarki Sigurðsson (@bjarki_sigurdss) November 22, 2021 Bókmenntir Fjármál heimilisins Skóla - og menntamál Grunnskólar Mest lesið Sæstrengur milli Eistlands og Finnlands rofinn Erlent Töldu að ævilöng vesælmennska biði „barnanna á mölinni“ Innlent Girnist Panama-skurðinn, Grænland og Kanada Erlent Þau kvöddu á árinu 2024 Erlent Erfiður tími þegar dóttirin kom út sem trans Innlent Dregur úr vindi en áfram vetrarveður Veður Jólakindin Djásn á Stokkseyri Innlent Standa vaktina á jóladag: „Þetta er bara eins og hina dagana“ Innlent Þak fauk nánast af hlöðu Innlent Alls kyns jól um allan heim Erlent Fleiri fréttir Töldu að ævilöng vesælmennska biði „barnanna á mölinni“ Jólakindin Djásn á Stokkseyri Standa vaktina á jóladag: „Þetta er bara eins og hina dagana“ Standa vaktina við lokunarpósta á jóladag Flugferðir hafnar að nýju í Keflavík Þak fauk nánast af hlöðu Fagna jólunum í Betlehem í skugga stríðs Hellisheiði og Þrengsli opna ekki fyrr en á morgun Aðeins ein flugvél lent í Keflavík í dag Útköll víða vegna óveðurs Erfiður tími þegar dóttirin kom út sem trans Gott að geta sagt „þú ert hjartanlega velkominn“ Appelsínugular viðvaranir og jólaboð hjá Hjálpræðishernum Á vaktinni við lokunarpósta alla jólanótt Tveir vörðu jólanótt í fangaklefa Gleðileg jól, kæru lesendur Vegir víða um land gætu lokast með litlum fyrirvara Varað við ferðalögum víða um land Margir á síðasta snúningi með jólapakkana Í sumum tilfellum eina hátíðlega stund dagsins Men Tolla komið í leitirnar: „Sannkölluð jólasaga“ Vonskuveður og þau sem eru á síðasta snúningi Fjúgandi hálka í kirkjugörðum Reykjavíkur Stolið hálsmen Tolla dúkkaði upp tuttugu árum síðar Nóg að gera hjá slökkviliðinu í nótt Mette óskaði Kristrúnu til hamingju Aðfangadagur: Hvar er opið og hve lengi? „Skiptir sannleikurinn engu máli?“ Fjölmenni gekk fyrir frið í miðborginni Rútur skildar eftir á Holtavörðuheiði og leiðinni lokað Sjá meira
Málið er að þetta þarf ekki að vera annaðhvort eða, segja aðstandendur samstarfsverkefnisins. Í fréttinni hér að neðan er skimað yfir Twitter, rætt við allt frá konunum á bakvið Fortuna Invest og til forsætisráðherra - og sömuleiðis gluggað í Gísla sögu: Einhver misskilningur á ferð Fortuna Invest hefur um tíma farið nýstárlegar leiðir við að fræða almenning um fjárfestingar og fjármál. Vinsældirnar láta ekki á sér standa og fylgjendur þeirra á Instagram hlaupa á öðrum tug þúsunda. Fortuna Invest: Kristín Hildur Ragnarsdóttir, Rósa Kristinsdóttir og Aníta Rut Hilmarsdóttir.Fortuna Invest Alls kyns fróðleiksmólar eru birtir á síðu Fortuna Invest. Þegar molinn um Gísla Súrsson var birtur fyrir tveimur dögum bjuggust höfundarnir síst við því að það myndi leysa úr læðingi flóðbylgju á samfélagsmiðlum. Á myndinni segir: Ég í skóla: Hvernig tek ég lán? Skólinn: Höldum áfram með Gísla Sögu Súrssonar. „Ég veit ekki hvort margir hafi misskilið þetta þanig að við vildum láta leggja niður Gísla sögu Súrssonar sem er svo sannarlega ekki raunin. En það er ákall eftir því að við fáum betri fjármálafræðslu, hvort sem það er í grunnskóla, menntaskóla eða þess vegna háskóla,“ segir Aníta Rut Hilmarsdóttir hjá Fortuna Invest. View this post on Instagram A post shared by FORTUNA INVEST (@fortunainvest_) Katrín Jakobsdóttir: „Þú ert að tala við íslenskufræðing“ Framsetningin vakti slík viðbrögð að það hefur vart verið hægt að opna Twitter fyrir skopstælingum á myndinni eða umræðum um Gísla Súrsson (hver hefði haldið). Fréttastofa gekk svo langt að spyrja forsætisráðherra út í málið í dag, sem sagði: „Ég held að það sé rými í skólakerfinu til að gera hvort tveggja og Gísla saga kennir okkur alveg gríðarlega mikið um mannlegt eðli. Það getur heldur betur nýst manni í manns persónulegu fjármálum en það er líka mikilvægt að kunna að taka lán.“ En ef við þyrftum að taka annað út? „Ja, þú ert að tala við íslenskufræðing þannig að Gísla saga verður alltaf efst á blaði hjá mér.“ Vá. Inspo. pic.twitter.com/pLUy58WfMa— Grétar Þór (@gretarsigurds) November 22, 2021 pic.twitter.com/lnEInjWk3N— atli (@atliatliatli) November 22, 2021 Á þriðja þúsund manns hafa lækað upphaflegu færsluna þegar þetta er skrifað og tugir deilt henni: „Þannig að það virðist vera sem margir séu sammála okkur þarna," segir Rósa Kristinsdóttir, sem bætir við: „Svo eru auðvitað einhverjir sem eru mjög ósammála og þá eru þeir líka með skoðun.“ Vill svo til að út er komin bók sem sannarlega er ætlað að efla fjármælalæsi fólks, ólíkt Gísla sögu. Hún heitir Fjárfestingar og höfundurinn er Fortuna Invest. Jólalesturinn er þannig sú bók í hæfilegu blandi við Gísla sögu, segja Rósa og Aníta. Gísla saga Súrssonar er saga vestfirsku hetjunnar Gísla í útlegðinni, eftir að hann flækist í langvinnar deilur. Sagan er hátt skrifuð í flokki Íslendingasagna og hefur verið kennd grunnskólabörnum áratugum saman. Hún er enda öllu auðmeltari en til dæmis Njála og Egils saga, en gefur þeim meistaraverkum þó lítið eftir. Þegar flett er í gegnum Gísla sögu vill svo til að þar er sitthvað að finna um fjármál. „Saman er bræðra eign best að líta og sjá“ segir á einum stað, sem er ágæt ráðgjöf um mikilvægi fjármálalegrar samheldni innan fjölskyldna. Á öðrum stað segir „fé er best eftir feigan“. Ekki er með öllu ljóst hvað er átt við með því, en það eru vafalaust orð í tíma töluð. Meanwhile í höfuðstöðvum fortuna invest.CEO: Höldum áfram með Gisla Sögu Súrssonar, Bára, vilt þú lesa fyrir okkur?Bára: Jájá. “Nú líða misserin af hendi og kemur að fardögum. Þá heimtir Þorkell Gísla bróður sinn á tal við sig og mælti: "Svo er háttað, frændi," segir hann.”— Óli (@8lafur) November 23, 2021 Shit. Byrjaðu á að halda kjafti pic.twitter.com/nO3nE4SkSg— Hörður Ágústsson (@horduragustsson) November 23, 2021 Ég í skóla: hvernig tek ég mörg smálán til að setja í shitcoins?Skólinn: höldum áfram með Gíslasögu Súrssonar— Siffi (@SiffiG) November 22, 2021 Er þetta ekki bara eins og Homeblest? Bjarni Benediktsson fjármálaráðherra neitar að gera upp á milli fjármálalæsis og Gísla sögu Súrssonar: „Fyrir okkur Íslendinga er það að þekkja okkar sögu og rækta okkar menningu í landinu sé gríðarlega mikilvægt. Á sama tíma er fjármálalæsi og allt sem snýr að því að geta borið ábyrgð á sjálfum sér og sínum persónulegu fjármálum líka mikilvægt. Þannig að þetta er ekki annaðhvort eða spurning.“ Sigurður Ingi Jóhannsson samgönguráðherra: „Er ekki bara eins og Homeblest?“ segir hann. „Gott báðum megin.“ „Það er að segja, það er nauðsynlegt að kenna hvoru tveggja, annars vegar sögu en auðvitað er mjög mikilvægt að kenna fjármálalæsi. Ég man nú reyndar ekki eftir neinum slíkum tíma í minni skólagöngu, sem var nú býsna löng,“ segir Sigurður Ingi. pic.twitter.com/SNkLQZWKIx— Björg (@BjorgSteinunn) November 22, 2021 pic.twitter.com/FdFkNOpvV5— Bjarki Sigurðsson (@bjarki_sigurdss) November 22, 2021
Bókmenntir Fjármál heimilisins Skóla - og menntamál Grunnskólar Mest lesið Sæstrengur milli Eistlands og Finnlands rofinn Erlent Töldu að ævilöng vesælmennska biði „barnanna á mölinni“ Innlent Girnist Panama-skurðinn, Grænland og Kanada Erlent Þau kvöddu á árinu 2024 Erlent Erfiður tími þegar dóttirin kom út sem trans Innlent Dregur úr vindi en áfram vetrarveður Veður Jólakindin Djásn á Stokkseyri Innlent Standa vaktina á jóladag: „Þetta er bara eins og hina dagana“ Innlent Þak fauk nánast af hlöðu Innlent Alls kyns jól um allan heim Erlent Fleiri fréttir Töldu að ævilöng vesælmennska biði „barnanna á mölinni“ Jólakindin Djásn á Stokkseyri Standa vaktina á jóladag: „Þetta er bara eins og hina dagana“ Standa vaktina við lokunarpósta á jóladag Flugferðir hafnar að nýju í Keflavík Þak fauk nánast af hlöðu Fagna jólunum í Betlehem í skugga stríðs Hellisheiði og Þrengsli opna ekki fyrr en á morgun Aðeins ein flugvél lent í Keflavík í dag Útköll víða vegna óveðurs Erfiður tími þegar dóttirin kom út sem trans Gott að geta sagt „þú ert hjartanlega velkominn“ Appelsínugular viðvaranir og jólaboð hjá Hjálpræðishernum Á vaktinni við lokunarpósta alla jólanótt Tveir vörðu jólanótt í fangaklefa Gleðileg jól, kæru lesendur Vegir víða um land gætu lokast með litlum fyrirvara Varað við ferðalögum víða um land Margir á síðasta snúningi með jólapakkana Í sumum tilfellum eina hátíðlega stund dagsins Men Tolla komið í leitirnar: „Sannkölluð jólasaga“ Vonskuveður og þau sem eru á síðasta snúningi Fjúgandi hálka í kirkjugörðum Reykjavíkur Stolið hálsmen Tolla dúkkaði upp tuttugu árum síðar Nóg að gera hjá slökkviliðinu í nótt Mette óskaði Kristrúnu til hamingju Aðfangadagur: Hvar er opið og hve lengi? „Skiptir sannleikurinn engu máli?“ Fjölmenni gekk fyrir frið í miðborginni Rútur skildar eftir á Holtavörðuheiði og leiðinni lokað Sjá meira