Kvöld­fréttir Stöðvar 2

Rússar virðast á hröðu undanhaldi frá svæðum í kringum um Kænugarð, höfuðborg Úkraínu. En á sama tíma halda þeir uppi árásum á Mariupol og í gærkvöldi stálu þeir neyðarvistum sem ætlaðar voru hrjáðum borgarbúum.

Akureyrarbær er ekki par hrifinn af áformum um lagningu nýrrar Blöndulínu í landi bæjarfélagsins og óttast að þau áform Landsnets skerði framtíðarbyggingarland bæjarins. En við verðum einnig í beinni frá Hlíðarfjalli því tónlistar- og snjóbrettahátíðin AK Extreme fer fram á Akureyri um helgina.

Og svo kíkjum við á hvernig landsmenn létu gabbast af ýmsum falsfréttum í dag og hlupu apríl. Þetta og margt fleira á samtengdum rásum Bylgjunnar og Stöðvar 2 klukkan hálf sjö.