Sport

Píptest fyrir lengra komna

Ellen Geirsdóttir Håkansson skrifar
Elísabet Margeirsdóttir skipuleggjandi Bakgarðsins (t.v.) og Mari Järsk, núverandi Íslandsmeistari hlaupsins.
Elísabet Margeirsdóttir skipuleggjandi Bakgarðsins (t.v.) og Mari Järsk, núverandi Íslandsmeistari hlaupsins. Stöð 2

Bakgarðshlaupið hófst klukkan níu í morgun við Elliðavatn en meira en tvö hundruð þátttakendur voru skráðir. Tæplega sjö kílómetra hringur er hlaupinn margsinnis þar til einn þátttakandi stendur uppi sem sigurvegari.

Hlaupið, Bakgarður Náttúruhlaupa er nú haldið í fjórða sinn en Elísabet Margeirsdóttir skipuleggjandi Bakgarðsins segir „Píptest fyrir lengra komna“ vera góða lýsingu á hlaupinu. Ræst er í næsta hring á heila tímanum þangað til að aðeins einn hlaupari er eftir.

„Þetta verður bara alltaf betra og betra og nú er veðrið með okkur í liði þannig að við megum búast við bara geggjaðri keppni fram á nótt, fram á morgun, kannski fram á mánudag við vitum það ekki, við höfum ekki hugmynd,“ segir Elísabet.

Aðspurð hvað fái fólk til að gera svona lagað segir Mari Järsk, núverandi Íslandsmeistari í hlaupinu, „einn hring í viðbót.“

Hún segir hlaupið vissulega vera krefjandi, þátttakendur finni auðvitað til eftir fimmtíu og hundrað hringi. „Svo líður þetta hjá, þá heldur maður áfram, þetta er bara upp og niður, líðanin,“ segir Mari.

Mari hljóp 43 hringi eða rúma 288 kílómetra á innan við tveimur sólarhringum í fyrra.

Fróðlegt verður að sjá hvort einhverjum takist að bæta Íslandsmet Mari en hægt er að sjá niðurstöður hlaupsins í beinni með því að smella hér.

Hlaup Bakgarðshlaup

Tengdar fréttir

Vildi freista þess að ná 300 kílómetrum: „Ég var ekki orðin dauð, alls ekki“

Stjórnandi Náttúruhlaupa segir engan hafa átt von á því að bakgarðshlaupið um helgina myndi standa yfir eins lengi og það gerði. Fyrra Íslandsmet í hlaupinu kolféll þar sem Mari Järsk hljóp rúma 288 kílómetra á innan við tveimur sólarhringum. Þrátt fyrir glæsilegan árangur segir Mari að hún hefði getað farið lengra, helst vildi hún ná 300 kílómetrum. 

Mari Jaersk vann Bakgarð 101 eftir 43 hringi

Mari Jaersk bar sigur úr býtum í Bakgarði 101 en hlaupinu lauk rétt fyrir klukkan 4 í nótt. Mari hljóp 43 hringi, samtals 288,1 km, en í öðru sæti var Þorleifur Þorleifsson, sem hóf 43. hringinn en snéri við eftir um 15 mínútur.

Illt alls staðar og vaknaði á gólfinu heima hjá sér

Bakgarðshlaup Náttúruhlaupa lauk í nótt þar sem hlaupakonan Mari Jaersk bar sigur úr býtum. Hún segist hafa verið mjög þreytt á tímabili en að það hafi einfaldlega ekki staðið til boða að gefast upp.

Mest lesið


Fleiri fréttir

Sjá meira


×

Mest lesið