Neyðar­á­standi lýst yfir í New York vegna skyndi­­­flóða

Kathy Hochul, ríkisstjóri New York segir að nærri þrettán sentímetrar af rigningu féllu á einni nótt og búist er við að nærri átján sentímetrar komi til með að bætast við. Hún segir óveðrið sem nú gengur yfir lífshættulegt.

Flætt hefur inn í lestarkerfi og á hraðbrautir í borginni. Þá hefur einni flugstöð á LaGuardia flugvellinum verið lokað vegna flóðanna, segir í frétt BBC.

Neyðarástandi hefur einnig verið lýst yfir á Long Island eyjunni og Husdon Valley svæðinu. 

Samkvæmt upplýsingum frá yfirvöldum hafa björgunaraðilar sex sinnum verið kallaðir út vegna íbúa sem sátu fastir í kjallaraíbúðum í borginni. 

Myndbrot af flóðunum frá fréttamiðlinum The Guardian má sjá hér að neðan.