Þungt haldin á gjörgæslu í Búlgaríu meðan heimflutningur strandar á sjúkrahúsinu Eiður Þór Árnason skrifar 18. febrúar 2024 13:35 Lára Björk Sigrúnardóttir ásamt börnum sínum Ísafold og Elísabetu. aðsend Íslensk kona liggur þungt haldin á gjörgæsludeild spítala í Búlgaríu með sýklasótt og nýrnabilun. Hún er talin vera í lífshættu en drep er komið í fingur og tær sem gæti þurft að fjarlægja. Hin 51 árs gamla Lára Björk Sigrúnardóttir og aðstandendur hennar hafa óskað eftir því að hún verði færð á spítala á Íslandi hið fyrsta. Þau gagnrýna vinnubrögð sjúkrahússins í Búlgaríu en erfiðlega hefur gengið að fá skýrslur sem nauðsynlegar eru til að meta hvort öruggt sé að flytja Láru til Íslands með sjúkraflugi. Án þeirra fæst hún ekki útskrifuð af sjúkrahúsinu þar sem hún hefur verið í átta daga. Nadia Rós Sheriff, dóttir Láru segir í samtali við fréttastofu að þau glími við mikla tungumálaerfiðleika í samskiptum sínum við starfsfólk spítalans sem tali takmarkaða ensku. Þá hafi strangar heimsóknartakmarkanir á gjörgæslunni gert það að verkum að hún og bróðir hennar hafi lítið fengið að sjá móður sína en þau komu bæði til Búlgaríu á föstudag. Móðir sín sé hrædd og vilji komast heim Nadia segir systkinin hafa fengið að sjá móður sína mjög stuttlega í gær og þá hafi Lára verið hrædd, svöng og þyrst. Þau hafi ekki fengið að heimsækja hana í dag og Lára óttist að framkvæmdar verði aðgerðir án hennar samþykkis missi hún meðvitund. „Hún vill láta taka puttana og tær, það sem þarf að taka heima á Íslandi,“ segir Nadia. Lára sé með sýklasótt (e. sepsis) sem hafi þróast út frá þvagfærasýkingu og leitt til blóðsýkingar sem fór í nýrun og svo lifrina. Fjölskylda Láru fékk ekki að heimsækja hana á gjörgæsluna í dag.Aðsend Lára fór í frí til Búlgaríu ásamt vinafólki sínu þann 4. febrúar og átti að dvelja þar í tíu daga. Þann 10. febrúar hafði hún samband við lækni á Íslandi og sagðist vera með doða í höndum, hjartsláttartruflanir og öndunarerfiðleika. Henni var þá ráðlagt að leita á spítala og var hún lögð inn á St. Marina háskólasjúkrahúsið í borginni Varna í norðurhluta Búlgaríu. Systkinin bíða nú á hóteli nálægt sjúkrahúsinu og vonast eftir því að fá afhentar fyrrnefndar skýrslur á morgun sem geri SOS International kleift að meta hvort Lára myndi lifa af flutning til Íslands. Lokað er fyrir afgreiðslu slíkra skjala um helgar og hefur Nadia óskað eftir þeim frá því á miðvikudag. Reynt mjög á fjölskylduna Nadia segir fulltrúa SOS furða sig á því hversu erfiðlega hafi gengið að fá nauðsynleg skjöl frá spítalanum og aldrei upplifað annað eins. Fjölskyldan hafi óskað eftir aðstoð borgaraþjónustu utanríkisráðuneytisins og ræðismanns Íslands í Búlgaríu sem hafi reynt að aðstoða þau án árangurs. Nadia segir þetta hafa reynt mjög á fjölskylduna og það sé galið að fá svona slæmar móttökur frá starfsfólki spítalans. Íslenskur túlkur hafi nýverið sett sig í samband og boðist til að koma með systkinunum á spítalann á morgun. „Þetta er búið að vera mjög erfitt. Það var erfitt að sjá hana, hún er skíthrædd og hún er að biðja um vatn og hún er hunsuð. Hún var öll þurr í munninum þegar við sáum hana. Hún er með vatnsflösku í rúminu sínu en hefur ekki tök á að fá sér. Hún var mjög svöng þegar við hittum hana og við fórum út í búð fyrir hana. Við máttum ekki gefa henni þetta sjálf en vonum að þau hafi skilað þessu til hennar,“ segir Nadia. Nadia ásamt Láru móður sinni sem liggur nú þungt haldin á sjúkrahúsi í Verna í Búlgaríu.Aðsend SOS ekki kynnst öðru eins Nadia bætir við að Lára hafi verið mjög vonsvikin þar sem henni hafi verið talin trú um að hún væri á leið í sjúkraflug í gær. Það hafi verið á misskilningi byggt. „Þeir máttu ekki gefa okkur skýrslur fyrr en við sækjum um þær á mánudaginn,“ segir Nadia en líkt og fyrr segir komu systkinin út til Búlgaríu á föstudag. SOS International og íslensk yfirvöld óskuðu eftir því að fá nána fjölskyldumeðlimi til landsins þegar erfiðlega gekk að fá skýrslurnar. Nadia segir að hún og bróðir hennar séu bæði barnafólk og það hafi verið áskorun fyrir þau að fara fyrr út. Hún bætir við að spítalinn hafi vísað ræðismanni Íslands frá á grundvelli þess að ekki væri um að ræða aðstandanda og skellt á starfsmann íslenska sendiráðsins þegar Lára hafi verið nefnd á nafn. Að sögn Nadiu hefur SOS International veitt vilyrði fyrir því að Lára verði flutt strax til Íslands ef hún verður metin flughæf. Hún segir þó algera óvissu ríkja um það hver næstu skref verða ef spítalinn heldur áfram að draga lappirnar. „Það er ekkert sem heitir plan b. SOS sagði við okkur í dag að þau hafi aldrei lent í þessu og þau viti ekki hvað þau eigi að gera. Það eru allir að reyna sitt besta en einhvern veginn gerist ekkert.“ Fréttin hefur verið uppfærð. Heilbrigðismál Búlgaría Íslendingar erlendis Mest lesið Rýnt í stöðuna í Úkraínu: Trump stendur loks við stóru orðin Erlent Sættir sig ekki við sýknu tálbeitunnar Innlent Allt að áttatíu þúsund mæti í miðbæinn og götulokanir í gildi Innlent „Fyrst og fremst erum við að biðja um að fá að vera skráð í okkar hús“ Innlent Blöskrar „vælið“ vegna Norðuráls Innlent Lofar látum og vísar gagnrýni Samtaka atvinnulífsins á bug Innlent Þjóðin klofin í afstöðu til þess hvort jafnrétti kynjanna hafi verið náð Innlent Brunaði austur til að finna litla frænda Innlent Trump slaufar öllum viðræðum við Kanada út af sjónvarpsauglýsingu sem fór fyrir brjóstið á honum Erlent Belgar komu í veg fyrir samþykkt um nýtingu rússneskra eigna Erlent Fleiri fréttir Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Sjá meira
Hin 51 árs gamla Lára Björk Sigrúnardóttir og aðstandendur hennar hafa óskað eftir því að hún verði færð á spítala á Íslandi hið fyrsta. Þau gagnrýna vinnubrögð sjúkrahússins í Búlgaríu en erfiðlega hefur gengið að fá skýrslur sem nauðsynlegar eru til að meta hvort öruggt sé að flytja Láru til Íslands með sjúkraflugi. Án þeirra fæst hún ekki útskrifuð af sjúkrahúsinu þar sem hún hefur verið í átta daga. Nadia Rós Sheriff, dóttir Láru segir í samtali við fréttastofu að þau glími við mikla tungumálaerfiðleika í samskiptum sínum við starfsfólk spítalans sem tali takmarkaða ensku. Þá hafi strangar heimsóknartakmarkanir á gjörgæslunni gert það að verkum að hún og bróðir hennar hafi lítið fengið að sjá móður sína en þau komu bæði til Búlgaríu á föstudag. Móðir sín sé hrædd og vilji komast heim Nadia segir systkinin hafa fengið að sjá móður sína mjög stuttlega í gær og þá hafi Lára verið hrædd, svöng og þyrst. Þau hafi ekki fengið að heimsækja hana í dag og Lára óttist að framkvæmdar verði aðgerðir án hennar samþykkis missi hún meðvitund. „Hún vill láta taka puttana og tær, það sem þarf að taka heima á Íslandi,“ segir Nadia. Lára sé með sýklasótt (e. sepsis) sem hafi þróast út frá þvagfærasýkingu og leitt til blóðsýkingar sem fór í nýrun og svo lifrina. Fjölskylda Láru fékk ekki að heimsækja hana á gjörgæsluna í dag.Aðsend Lára fór í frí til Búlgaríu ásamt vinafólki sínu þann 4. febrúar og átti að dvelja þar í tíu daga. Þann 10. febrúar hafði hún samband við lækni á Íslandi og sagðist vera með doða í höndum, hjartsláttartruflanir og öndunarerfiðleika. Henni var þá ráðlagt að leita á spítala og var hún lögð inn á St. Marina háskólasjúkrahúsið í borginni Varna í norðurhluta Búlgaríu. Systkinin bíða nú á hóteli nálægt sjúkrahúsinu og vonast eftir því að fá afhentar fyrrnefndar skýrslur á morgun sem geri SOS International kleift að meta hvort Lára myndi lifa af flutning til Íslands. Lokað er fyrir afgreiðslu slíkra skjala um helgar og hefur Nadia óskað eftir þeim frá því á miðvikudag. Reynt mjög á fjölskylduna Nadia segir fulltrúa SOS furða sig á því hversu erfiðlega hafi gengið að fá nauðsynleg skjöl frá spítalanum og aldrei upplifað annað eins. Fjölskyldan hafi óskað eftir aðstoð borgaraþjónustu utanríkisráðuneytisins og ræðismanns Íslands í Búlgaríu sem hafi reynt að aðstoða þau án árangurs. Nadia segir þetta hafa reynt mjög á fjölskylduna og það sé galið að fá svona slæmar móttökur frá starfsfólki spítalans. Íslenskur túlkur hafi nýverið sett sig í samband og boðist til að koma með systkinunum á spítalann á morgun. „Þetta er búið að vera mjög erfitt. Það var erfitt að sjá hana, hún er skíthrædd og hún er að biðja um vatn og hún er hunsuð. Hún var öll þurr í munninum þegar við sáum hana. Hún er með vatnsflösku í rúminu sínu en hefur ekki tök á að fá sér. Hún var mjög svöng þegar við hittum hana og við fórum út í búð fyrir hana. Við máttum ekki gefa henni þetta sjálf en vonum að þau hafi skilað þessu til hennar,“ segir Nadia. Nadia ásamt Láru móður sinni sem liggur nú þungt haldin á sjúkrahúsi í Verna í Búlgaríu.Aðsend SOS ekki kynnst öðru eins Nadia bætir við að Lára hafi verið mjög vonsvikin þar sem henni hafi verið talin trú um að hún væri á leið í sjúkraflug í gær. Það hafi verið á misskilningi byggt. „Þeir máttu ekki gefa okkur skýrslur fyrr en við sækjum um þær á mánudaginn,“ segir Nadia en líkt og fyrr segir komu systkinin út til Búlgaríu á föstudag. SOS International og íslensk yfirvöld óskuðu eftir því að fá nána fjölskyldumeðlimi til landsins þegar erfiðlega gekk að fá skýrslurnar. Nadia segir að hún og bróðir hennar séu bæði barnafólk og það hafi verið áskorun fyrir þau að fara fyrr út. Hún bætir við að spítalinn hafi vísað ræðismanni Íslands frá á grundvelli þess að ekki væri um að ræða aðstandanda og skellt á starfsmann íslenska sendiráðsins þegar Lára hafi verið nefnd á nafn. Að sögn Nadiu hefur SOS International veitt vilyrði fyrir því að Lára verði flutt strax til Íslands ef hún verður metin flughæf. Hún segir þó algera óvissu ríkja um það hver næstu skref verða ef spítalinn heldur áfram að draga lappirnar. „Það er ekkert sem heitir plan b. SOS sagði við okkur í dag að þau hafi aldrei lent í þessu og þau viti ekki hvað þau eigi að gera. Það eru allir að reyna sitt besta en einhvern veginn gerist ekkert.“ Fréttin hefur verið uppfærð.
Heilbrigðismál Búlgaría Íslendingar erlendis Mest lesið Rýnt í stöðuna í Úkraínu: Trump stendur loks við stóru orðin Erlent Sættir sig ekki við sýknu tálbeitunnar Innlent Allt að áttatíu þúsund mæti í miðbæinn og götulokanir í gildi Innlent „Fyrst og fremst erum við að biðja um að fá að vera skráð í okkar hús“ Innlent Blöskrar „vælið“ vegna Norðuráls Innlent Lofar látum og vísar gagnrýni Samtaka atvinnulífsins á bug Innlent Þjóðin klofin í afstöðu til þess hvort jafnrétti kynjanna hafi verið náð Innlent Brunaði austur til að finna litla frænda Innlent Trump slaufar öllum viðræðum við Kanada út af sjónvarpsauglýsingu sem fór fyrir brjóstið á honum Erlent Belgar komu í veg fyrir samþykkt um nýtingu rússneskra eigna Erlent Fleiri fréttir Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Sjá meira
Trump slaufar öllum viðræðum við Kanada út af sjónvarpsauglýsingu sem fór fyrir brjóstið á honum Erlent
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda
Trump slaufar öllum viðræðum við Kanada út af sjónvarpsauglýsingu sem fór fyrir brjóstið á honum Erlent