Ung kona sem lenti næstum í árekstri við rútu þegar ökumaður hennar ók yfir á öfugan vegarhelming á Reykjanesbrautinni segir ökumenn stórra bíla oft taka óþarfa áhættur á svæðinu. Við sjáum myndband af atvikinu og ræðum við fulltrúa Vegagerðarinnar sem segir atvikið sýna fram á mikilvægi þess að aðskilja akstursstefnur á fjölförnum vegum.
Læknirinn Árni Tómas Ragnarsson segir skjólstæðinga sína í hræðilegri stöðu eftir að hann var sviptur leyfi til þess að skrifa út tiltekin lyf. Formaður Matthildar, samtaka um skaðaminnkun, mætir í myndver og fer yfir málið.
Þá verður rætt við formann Bændasamtakanna um blóðmerarhald, Kristján Már Unnarsson fer yfir loðnubrestinn sem virðist blasa við og við kíkjum í nýja þjóðgarðsmiðstöð á Kirkjubæjarklaustri. Í Íslandi í dag kynnum við okkur nýjustu sýningu Verslunarskóla Íslands, Rocketman.
Þetta og margt fleira á samtengdum rásum Bylgjunnar og Stöðvar 2 klukkan 18:30.